Университетте сейсмикалық жаттығу өткізілді

2020 жылдың 31 қаңтарында Қазақ ұлттық педагогикалық университетінде «Жер сілкінісі кезіндегі университеттің басшылық, командалық құрамының, ПОҚ, студенттерінің, жұмысшыларының, қызметкерлерінің іс-әрекеттері» тақырыбында сейсможаттығу өтті.

Іс-шараға Филология және көптілді білім беру институтының студенттері мен оқытушылары қатысты. Қатысушыларға жер сілкінісі қаупі төнген кезде және қатты жер сілкінісінен кейінгі іс-қимыл тәртібі жеткізілді. Студенттерді университет аудиторияларынан қауіпсіз жерге көшіру бойынша жаттығу өткізілді.

Аталған іс-шараны өткізуге институт директоры Балтабай Әбдіғазыұлы, директордың тәрбие жұмысы жөніндегі орынбасары Ерлан Қасенов және профессор-оқытушылар құрамы белсене қатысты.

Сонымен қатар сейсмикалық жаттығуға Медеу ауданы Төтенше жағдайлар бөлімінің өкілдері қатысты.

Азаматтық қорғаныс және мобилизациялық дайындық бөлімі