Мерейтойлық ғылыми конференция өткізілді

Университеттегі педагогикалық пәндер бөлімі Жалпы педагогика секциясының жұмысы аясында ұлы ақын және философ Абайдың 175 жылдығына және әлем ғылымы мен мәдениетінің ғұламасы әл-Фарабидің 1150 жылдығына арналған студенттердің мерейтойлық ғылыми конференциясын өткізді. Іс-шара Zoom платформасында өтті.

Студенттер мен магистранттардың 75-ші ғылыми конференциясының университет бағдарламасы бойынша осы секцияның жұмысына бес институттың педагогикалық мамандықтарының 1-4 курстарының жүзден астам студенттері қазіргі педагогика ғылымының өзекті мәселелері мен бағыттары бойынша зерттеу баяндамаларымен, ғылыми-зерттеу жұмыстарын қорғауға қатысты. Абай мен Әл-Фарабидің педагогикалық идеялары, педагог мәртебесі, робототехниканың педагогикалық аспектілері, орта білім берудің жаңартылған мазмұны, ұлттық тәрбие, инновациялық мектептердің онлайн-қызметінің педагогикалық тәжірибесі, жасөспірімдердің кибербуллингі, педагогтың кәсіби құзыреттілігі және экологиялық мәдениет сияқты өзекті тақырыптар көтерілді. Киберпедагогика, квест, коллаборация, қашықтан оқыту, сондай-ақ пандемия жағдайында оқушылардың бос уақытын ұйымдастырудың жаңа нысандары, қазақстандық білім берудегі заманауи цифрлық ресурстар сияқты технологиялар туралы баяндамалар жас зерттеушілердің ерекше қызығушылығын тудырды.

«Жалпы педагогика» секциясының жұмысын алғаш рет онлайн-режимде бөлім бойынша студенттердің ғылыми-зерттеу жұмысына жауапты доцент Светлана Жұмашева ұйымдастырып, өткізді. Конференцияға профессор-оқытушылар құрамы, практиканттар, «Педагогика зерттеушілері» студенттік ғылыми үйірмесінің мүшелері қатысты. Барлық қатысушылар конференцияға оң баға беріп, оның жұмысының нәтижелері бойынша ұсыныстарын қабылдады.