Аударма мәселелері бойынша Мәскеу мемлекеттік университеті профессорының онлайн-дәрісі

М.В.Ломоносов атындағы Мәскеу мемлекеттік университеті Шет тілдер және өлкетану факультеті шет тілдерін оқыту теориясы кафедрасының профессоры Зоя Прошина «Approachesto Translation Studies» (Қазіргі аударматанудағы тәсілдер) деп аталатын Шығыс филологиясы және аударма кафедрасының оқытушылары, магистранттары мен студенттеріне арналған онлайн-дәріс оқыды, - деп хабарлайды Абай атындағы ҚазҰПУ-дың баспасөз қызметі.

Профессор З.Г.Прошина қазіргі аударма танудағы семиотикалық, коммуникативтік және психолингвистикалық тәсілдердің ерекшеліктері туралы баяндады. Сонымен қатар, дәріс барысында заманауи қытай, жапон және корей тілдерін түсіну теориясы мен интерпретативтілігі мәселелері де қарастырылды. Екі сағатқа созылған дәрісті тыңдаушылар аса қызығушылықпен тыңдап, өздерін қызықтырған сауалдарға толыққанды жауап алды.

Шығыс филологиясы мен аударма кафедрасының магистранттары және студенттері профессор З.Г.Прошинаға өз алғысын білдіріп, алдағы уақытта да аударма мәселелеріне арналған жаңа дәрістерді асыға күтетіндігін жеткізді. Дәріс аударматану мәселелеріне арналған халықаралық ғылыми вебинарлар кешені аясында профессор А.Қ. Жұмабекова ұйымдастыруымен өткізілді.

16.02.2021 ж.

Ақпарат көзі: bilimdinews.kz