«Қазақстан университеттері халықаралық аренада: бәсекеге қабілеттілікті арттыру»

Дәстүр бойынша QS халықаралық рейтингі алты критерийге негізделген: академиялық беделі, профессор-оқытушылар құрамының және студенттер санының қатынасы, университеттің жұмыс берушілер арасында беделі, ғылыми жарияланымдардың дәйек сөз индексі, шетел студенттерінің үлесі ме ншетел мұғалімдерінің үлесі. Дегенмен рейтингтің әдістемесі жыл сайын өзгереді. Семинар барысында осы енгізілген өзгерістер туралы шетелдік сарапшылар айтып бермек.

12 ақпан күні Абай атындағы Қазақ ұлттық педагогикалық университеті және «Алматы облысының ректорлар кеңесі» қауымдастығы бірлесіп «Қазақстан университеттері халықаралық аренада: бәсекеге қабілеттілікті арттыру» тақырыбында халықаралық семинар өткізеді.

Семинардың мақсаты - қазақстандық ЖОО-ң әлемдік рейтингке қатысу мүмкіндіктерін кеңейтуге ықпал ету, бұл өз кезегінде университеттің халықаралық білім ортасына кіруіне мүмкіндік береді; білім беру және зерттеу процестерін білім беру саласындағы халықаралық ережелер мен стандарттарға сәйкестендіру болып табылады.

Семинардың басты спикері Зоя Зайцева - QS Ltd (Ұлыбритания) компаниясының Шығыс Еуропа және Орталық Азия бойынша аймақтық директоры, шақырылған спикерлер: Нұрлан Қиясов -«МБҚИ" ҰҒТУ - EdCrunch университетінің онлайн-білім беру орталығының директоры, «МБҚИ» ҰҒТУ (Ресей) эндаумент қорының директоры; Елена Чернышкова -Stanton Chase (Ресей) оқу тәжірибесінің басшысы.

QS Халықаралық рейтингтік ұйымның аймақтық директоры Зоя Зайцева: «Әлемдік университеттер рейтингі: негізгі индикаторлар, деректерді жинау және ұсыну»; «Университеттің танымалдылығын арттыру: веб-сайтты оңтайландыру, B2B және B2C оқиғаларына қатысу және баспасөзмен өзара әрекеттесу» тақырыптарында баяндама жасайды. EdCrunch Университетінің онлайн-білім беру орталығының директоры Нұрлан Қиясов «Университетте стратегиялық көшбасшылық: қайырымдылық қорларын құру және түлектердің қатысуы», «Білімнің болашағына қатысты сынақтар» тақырыбында, ал Stanton Chase-дегі (Ресей) оқу тәжірибесінің басшысы «Халықаралық қызметкерлерді тарту: Университеттің беделінің рөлі» тақырыбында баяндамаларын ұсынады.

Семинар жұмысына жоғары білім саласындағы сапа сараптамасын бағалауға, менеджментке, халықаралық қызметке тікелей қатысы бар: Қазақстан Республикасы, Өзбекстан, Қырғызстан, Тәжікстан университеттерінің басшылары мен өкілдері қатысады.

Өтетін орны: Абай атындағы ҚазҰПУ, конференц-зал. Алматы қ., Достық даңғылы, 13