«Қазіргі аударматану: теория, әдістеме, тәжірибе» атты дөңгелек үстел

2022 жылдың 5 мамырында Филология институты шығыс филологиясы және аударма кафедрасында онлайн режимінде «Қазіргі аударматану: теория, әдістеме, тәжірибе» тақырыбында дөңгелек үстел өтті.

Отандық аударматанушы-ғалымдар мен практик-аудармашылар қатысып, баяндама жасады.

«Абай атындағы ҚазҰПУ-де аудармашылар даярлаудың ғылыми-әдістемелік қамтамасыз етілуі туралы» филология ғылымдарының докторы, Абай атындағы ҚазҰПУ Шығыс филологиясы және аударма кафедрасының профессоры, ҚЖМ ҰҒА корреспондент-мүшесі А.Қ. Жұмабекова баяндама жасады.

Л.Н.Гумилев атындағы Еуразия ұлттық универстетінде аудармашылар даярлау барысы туралы осы университеттің Аударма теориясы мен тәжірибесі кафедрасының профессоры, филология ғылымдарының докторы Г.И. Күлдеева баяндады.

Ілеспе аударманың ерекшеліктерін М.С.Нәрікбаев атындағы ҚазМЗУ аға оқытушысы, PhD докторанты, синхронды аудармашы Ж.Сарманова нақты мысалдар келтіріп түсіндірді.

Республикалық «Кәсіби аудармашылар және аудармашылар компанияларның ассоциациясы» туралы осы қауымдастықтың қызметкері А.Қали баяндап берді.

Дөңгелек үстелге Абай атындағы ҚазҰПУ, Л.Н.Гумилев атындағы ЕҰУ, М.С.Нәрікбаев атындағы ҚазМЗУ студенттер, магистранттар, докторанттар қатысты.

Барлық баяндамалар тыңдаушылардың үлкен қызығушылығын тудырып, баяндамашыларға көптеген сұрақтар қойылды, еліміздің болашақ аудармашыларының теориялық және әдістемелік дайындығы мен практикалық жұмыстарының ерекшеліктері туралы пайдалы ақпарат алынды.