Action Research ЖОО оқытушысының кәсіби тәжірибесін жетілдірудің негізі

2022 жылғы 12 желтоқсанда Абай атындағы ҚазҰПУ-дың Педагогика кафедрасы «Іс-әрекеттегі зерттеу ЖОО оқытушысының кәсіби өзін-өзі жетілдіру тәжірибесінің негізі ретінде» тақырыбында жалпыуниверситеттік ғылыми-әдістемелік семинар өткізді.

Семинардың мақсаты - Action Research ретінде зерттеудің бейформалды түрлерін кәсіби практикаға жүйелі интеграциялау негізінде ЖОО оқытушыларының зерттеу белсенділігін арттыру мәселелері мен мүмкіндіктерін талқылау.

Семинар кафедраның ҒЗЖ жоспары бойынша және «Action Research ретінде зерттеудің бейформалды түрлерін практикаға интеграциялау негізінде ЖОО оқытушыларының зерттеу белсенділігін дамыту теориясы мен технологиясы» ИРН АР 14872311 гранттық жобасы шеңберінде өткізілді.

Семинарға университеттің зерттеу қызметі жөніндегі проректоры Е.А.Бөрібаев, Педагогика және психология институтының директоры Г.А. Абаева, кафедра меңгерушісі Ш.Ж.Колумбаева, ҚазҰҚПУ, Ш.Есенов атындағы КТжИУ жоғары оқу орындарының профессор-оқытушылар құрамы, докторанттар, магистранттар, Алматы қаласы мектептерінің мұғалімдері қатысты.

Семинар модераторы, Абай атындағы ҚазҰПУ-дың зерттеуші профессоры А.Е.Берикханова қатысушылардың басты назарын Action Research-тің оқыту практикасын өзгерту нысаны ретінде, оқытушылардың зерттеу белсенділігін дамыту тетіктерінің бірі ретінде, болашақ педагогтардың зерттеу құзыреттілігін қалыптастырудағы маңыздылығына аударды.

Семинар спикерлері: деңгейлік бағдарламалар жаттықтырушысы, ХҒАА-ның корреспондент мүшесі Т.Б.Корнилова, СПбМУ доценты, пс.ғ.к. Л.О.Сәрсенбаева, Алматы қаласының НЗМ ХББ педагог-сарапшы Д.К.Байдильдинова, доцент Ж.К.Ибраимова, Абай атындағы ҚазҰПУ-дың аға оқытушысы Ф.Б. Асилбаева Action Research-тің мәні мен артықшылықтарын, оны зерттеу үдерісіне енгізудің үздік әлемдік тәжірибелерін, НЗМ білім беру жүйесінде енгізу тәжірибесін баяндап, іс-әрекеттегі зерттеуде педагогикалық теорияны практикаға және ғылыми зерттеудің диагностикалық әдістемелеріне интеграциялаудың мазмұнын жан-жақты баяндады.

Семинардың негізгі сәттерін талқылау барысында профессорлар К.К. Жампеисова мен Н.Н.Хан және басқа да қатысушылар сөз сөйледі, олар оқытушының зерттеу белсенділігін дамытудың әдіснамасы мен іргелі негіздерін әзірлеу туралы құнды пікірлерімен бөлісті.