Жатақхана ережелерімен таныстыру жұмыстары

2023 жылдың 16 тамызында Абай атындағы ҚазҰПУ Тәрбие, әлеуметтік жұмыстар және жастар саясаты жөніндегі департаментінің ұйымдастыруымен жатақхана мәселелері бойынша кездесу өтті. Іс-шараға әлеуметтік даму жөніндегі проректор Шыңғыс Нұрланов, ахуалдық орталықтың қызметкерлері, белсенді студенттер мен жатақхана меңгерушілері қатысты.

Кездесу барысында жатақханаларда тұру және оларға 1 курс студенттерін орналастыру ережелері, сондай-ақ жоспарланған түсіндіру жұмыстарын жүргізу туралы барлық ақпарат ұсынылды. Барлық қатысушыларға студенттердің жатақханада тұру ережелері жазылған парақшалар таратылып, жатақханамен қамтамасыз ету алгоритмі түсіндірілді.

Қазіргі уақытта барлық жатақханаларда ақпараттандыру жұмыстары жүргізілуде.

Тәрбие, әлеуметтік жұмыстар және жастар саясаты жөніндегі департаменті