Aбай университетінің студенті XVII жазғы Паралимпиада ойындарына қатысады

2024 жылдың 28 тамызы мен 8 қыркүйегі аралығында Парижде Паралимпиада ойындары өтеді. Олимпиадаға Aбай университетінің Дене шынықтыру және алғашқы әскери дайындық факультетінің 4 курс студенті Жұрқамырза Шүкірбеков қатысады. Жұрқамырза парадзюдодан 90 кг (J2) дейінгі салмақ дәрежесінде бақ сынайды.

Айта кетейік, 2024 жылғы жазғы Паралимпиада ойындарына Қазақстаннан 44 спортшы аттанды. Биылғы жылы ұлттық құрама 9 спорт түрінен 33 лицензия алды: пара жүзу, пара пауэрлифтинг, пара жеңіл атлетика, пара каноэ, пара тхэквондо, отырып ойнайтын волейбол, пара оқ ату, пара үстел теннисі және пара дзюдо. Дзюдо федерациясының хабарлауынша, Қазақстан атынан 10 отандасымыз жүлдеге таласуға мүмкіндік алды. Бұл - рекордтық көрсеткіш.

Спортшымызға алдағы жарыста сәттілік пен жеңіс тілейміз!