Абай университетінің оқытушылары «Болашақ» стипендиясының иегерлері атанды

Республикалық комиссияның шешімімен 33 қазақстандық ғалымға экономика үшін аса маңызды бағыттар бойынша әлемнің жетекші ғылыми-зерттеу орталықтарында ғылыми тағылымдамадан өтуге гранттар берілді. Оның ішінде Абай атындағы ҚазҰПУ-дың орыс тілі мен әдебиеті кафедрасының екі оқытушысы «Болашақ» стипендиясының иегерлері атанды.

Стипендия иегерлері, аға оқытушы, филология ғылымдарының кандидаты Гулнур Байшүкурова және аға оқытушы, PhD докторы Жанакүл Саметова Американың үздік мемлекеттік жоғары оқу орындарының бірі - Калифорния университетінде ғылыми тағылымдамадан өтетін болады.

Оқытушыларымызды шын жүректен құттықтаймыз. Жаңа табыстар мен жетістіктер тілейміз!