Бастауыш білім беру кафедрасы 1 курс студенттерімен кездесу өткізді

2024 жылдың 3 қыркүйегінде Педагогика және психология факультетінің бастауыш білім беру кафедрасы 1 курс студенттерімен кездесу өткізді. Кездесуді эдвайзер, аға оқытушы А.М.Сихаева, сонымен қатар аға оқытушылар М.Т.Бекбаева, Д.М.Найманова және Д.Б.Сәмбет ұйымдастырды.

Кездесу барысында профессор Б.А.Әлмұхамбетов студенттер алдында құттықтау сөз сөйлеп, білім алып, инновациялық мамандықтарды меңгерудің маңыздылығын атап өтті. Кафедра меңгерушісі А.Е. Жұмабаева профессор-оқытушылар құрамын таныстырып, ізгі тілегін білдірді.

Ал, жоғары курс студенттері «Бастауышта оқытудың педагогикасы мен әдістемесі» мамандығының бағыттарын қойылым қою арқылы жаңа форматта таныстырып, кездесудің қызықты өтуіне атсалысты.