Абай университетінің Астана қаласындағы факультетінде бірінші курс студенттерімен кездесу өтті

Абай атындағы Қазақ ұлттық педагогикалық университетінің Астана қаласындағы жаңа ашылған «Білім беру» факультетінде бірінші курс студенттерімен кездесу өтті. Бұл факультет өз жұмысын биыл бастап, алғашқы студенттерін қабылдады.

Кездесу барысында академиялық қызмет жөніндегі проректор Бану Нарбекова білім алушыларды жаңа оқу жылымен құттықтап, факультет ұжымын таныстырды. Сондай-ақ студенттерге оқу үрдісінің ұйымдастырылуы, академиялық талаптар және университеттің негізгі миссиясы туралы жан-жақты ақпарат берді.

2024 жылы факультетке мемлекеттің білім беру гранты және ақылы негізде 300 студент келесі білім беру бағдарламалары бойынша оқуға қабылданды:

1. Педагогика және психология (В001);
2. Бастауышта оқыту педагогикасы мен әдістемесі (B003);
3. Әскери дайындық мұғалімдерін даярлау (B004);
4. Көркем еңбек және сызу мұғалімдерін даярлау (B007);
5. Математика мұғалімдерін даярлау (B009);
6. Информатика мұғалімдерін даярлау (B011);
7. География мұғалімдерін даярлау (B014);
8. Қазақ тілі мен әдебиеті мұғалімдерін даярлау (B016);
9. Арнайы педагогика (B020).