Қосдипломды білім беру бағдарламасы жүзеге асырылуда

Екі жақты келісім шарт негізінде Абай атындағы ҚазҰПУ мен Ш.Есенов атындағы Каспий технологиялар және инжиниринг университеті 2023/2024 оқу жылынан бастап бірлескен қосдипломды «7М01302 - Бастауыш білім» білім беру бағдарламасын жүзеге асыра бастады. Мақсаты - білім, ғылым мен мәдениет саласындағы тікелей және өзара тиімді ынтымақтастықты нығайту, оқу, әдіснамалық және ғылыми-зерттеу жұмыстарының тиімділігін арттыру.

Білім алушылар 1 курста өз университеттерінде білім алса, биылғы оқу жылында оқу үрдісі серіктес - жоғары оқу орнында онлайн түрінде ұйымдастырылады. «Бастауыш мектеп педагогикасы мен ғылымының өзекті мәселелері», «Кәсіби тұлғалық коучинг», «Methods of innovative research and commercialization», «Design of educational organization and creation of ecosystems» оқу пәндері бойынша ұйымдастырылатын дәріс, семинар сабақтарын білікті профессор-оқытушылар құрамы: профессорлар А.С.Амирова, А.Қ.Аренова, қауымдастырылған профессор С.А.Нұржанова, аға оқытушы, РhD А.Т. Туралбаева өткізуде. Сабақ университет тарапынан берілген ZOOM платформасы арқылы ұйымдастырылып отыр.