Рамазан Стамғазиевпен кездесу ұйымдастырылды

2024 жылдың 8 қарашасында Абай атындағы ҚазҰПУ Өнер факультеті және Түлектер қауымдастығының ұйымдастыруымен Қазақстанның халық әртісі, Құрманғазы атындағы Қазақ ұлттық консерваториясының профессоры, Абай атындағы ҚазҰПУ түлегі, қазақтың халық әндері мен дәстүрлі әндерін кеңінен насихаттап жүрген әнші, «Құрмет» орденінің иегері Рамазан Стамғазы және әншінің шәкірттерімен кездесу танымдық-мәдени кеші ұйымдастырылды.

Аталған іс-шараны Абай университетінің Аппарат басшысы Жанатбек Ишпекбаев салтантты түрде ашып берді.

Кездесуде белгілі өнер қайраткерімен қазақтың дәстүрлі ән өнерінің дамуы, қазіргі жағдайы және жеке шығармашылық жолы туралы сұхбат жүргізілді. Сондай-ақ, мәдени танымдық кеште сөз алған Өнер факультетінің деканы Кәрім Байқұтов Рамазан Стамғазиевтің шығармалары мен әндері ұлттық өнерімізді тереңнен танып, оның құндылықтарын жас ұрпаққа жеткізіп, қазақ халқының мәдениетін дәріптеп жүрген тұлға екендігін атап өтті. Іс-шара соңында студенттер кеш қонағымен естелікке суретке түсіп тарқасты.