«Coursera» білім беру платформасы Abai University «Python: Программалаудың алғашқы қадамдары» авторлық курсымен толықты

Курс Python программалау тілінің негіздерін үйренуге бағытталған. Ол программалауды нөлден бастап үйренгісі келетіндерге, цифрлық дағдыларын дамытқысы келетіндерге және Python-ды өз жобаларында қолдануды жоспарлап жүргендерге арналған.

Курстың мақсаты - қатысушыларға Python программалау тілінің негізгі концепцияларын үйрету, деректермен жұмыс істеу дағдыларын қалыптастыру және алғашқы қарапайым программа кодын өздігінен жазу қабілетін дамыту.

Python ең танымал программалау тілдерінің ТОП-10-дығына кіреді. Алғаш рет қазақ тілінде ұсынылып отырған Python алғашқы программалау тілі үйренуші үшін тамаша таңдау болады. Курс теория мен практиканы үйлестіріп, нақты тапсырмаларды орындау арқылы программалау негіздерін түсінуге көмектеседі.

Программалау пәндеріне байланысты білім алушының өзіндік жұмысында (БӨОЖ, БӨЖ) немесе дәрістер мен практикалық сабақтардың кейбір тақырыптарын оқытуда ұтымды пайдалануға жол ашады. Курстың соңында алған сертификаты оқу нәтижелерінің ағымдық немесе межелік бақылауды бағалауда тиімді тәсіл болып табылады. 

Курс авторлары:

Нұржамал Ошанова, п.ғ.к., қауымдастырылған профессор, информатика және білімді ақпараттандыру кафедрасының меңгерушісі;

Майра Кемелбек, магистр, информатика және білімді ақпараттандыру кафедрасының аға оқытушысы.

Әріптестерімізді жоғары деңгейдегі әрі нәтижелі еңбектерімен құттықтаймыз!

COURSERA-QAZAQSTAN жобаның серіктесі «BMG UpSkill» компаниясы ұжымына ЖАОК әзірлеуде көрсеткен қолдаулары үшін алғысымызды білдіреміз.