ҚР жоғары оқу орындарының Ұлттық рейтингі - 2019 нәтижелері

2019 жылдың 15 мамырында Аккредиттеу және рейтингтің тәуелсіз агенттігі (АРТА) «Казахстанская правда» республикалық газетінде мамандар даярлау деңгейлері мен бағыттары бойынша 2019 жылғы Қазақстан Республикасы ЖОО -ның Ұлттық рейтингісін жариялады.

Рейтинг бағалауына 59 жоғары оқу орындары қатысты.

Ұлттық рейтинг қорытындысы бойынша Абай атындағы Қазақ ұлттық педагогикалық университеті еліміздің үздік университеттерінің TOP-20 тізіміне кіріп, педагогикалық жоғары оқу орындары арасында ең жоғары позиция - 5-ші орынды иеленді.

Институционалдық рейтингіде «Білім беру» бағыты бойынша Абай атындағы ҚазҰПУ 1-ші орынға ие.

Мамандарды даярлаудың әртүрлі деңгейдегі білім беру бағдарламаларының рейтингтерінде Абай атындағы ҚазҰПУ жоғары көрсеткіштермен көшбасшылық орындарға орналасты. Білім беру бағдарламаларының мамандар даярлау бағыты мен деңгейіне сәйкестік бойынша жоғары оқу орындарының рейтингісінде 31 жүлделі орындарын алды, оның ішінде бакалавриат бағдарламасы бойынша - 15, магистратурада - 7 және докторантурада - 9 орын.

ЖОО-ның білім беру бағдарламалары бойынша рейтинг қорытындысы: