қазақша · русский · english
   
  Главная / СМИ о нас
12.05.2022

Орталық Азиядағы білімді трансформациялау

 


 

Дүниежүзілік банк Орталық Азия елдерімен әріптестігінің 30 жылдығын мерекелеу аясында Абай университетінде «Орталық Азиядағы білім беруді трансформациялау» тақырыбында дөңгелек үстел өтті.

 

Дүниежүзілік банктің Ал­ма­­ты­дағы өкілдігімен бір­ле­сіп ұйымдастырған дөңгелек үстелге еліміздің және әлем ел­дерінен білім саласындағы ха­лықаралық және аймақтық сарапшылар, сонымен қатар Абай университетінің Honors College жобасының 100 студенті қатысты.

 

Іс-шараны Дүниежүзілік банктің Орталық Азиядағы адами капиталды дамыту бағ­дар­­ламаларының жетекшісі Сусанна Айрапетян жүргізді. Ал жиынды университет ректоры Дархан Біләлов ашып, Орталық Азиядағы білім беруді транс­формациялаудың ма­ңы­зын және еліміздегі же­тек­ші педагогикалық жоға­ры оқу ор­нының пандемиядан кейінгі кезеңде білім беру жүйесін қал­пына келтіру барысы туралы айтып өтті. Ректор сонымен бірге білім беру инновацияларын енгізу тәжірибесін, сондай-ақ әлемнің барлық жо­ға­ры оқу орындары тап болып отырған саладағы сын-қа­тер­лерге тоқталды. Бүгінгі таңда ын­ты­мақ­тастық, қажетті ақпа­рат­пен алмасу, ұлттық және ше­тел­дік ұйымдар тарапынан бір-біріне қолдау көрсету және ынтымақтастық қажет екенін де атап өтті.

 

Дүниежүзілік банктің білім беру саласындағы жаһан­дық тә­­жірибе бөлімінің басшысы Гарри Патринос «Орта­лық Азиядағы білім беру саласын­да­ғы өзгерістер: жаһан­дық перс­пек­тивалар» баяндамасында осы тақырыптағы зерттеу, пан­де­мияның аймақ пен әлем елдерінің экономикасы мен біліміне әсері туралы егжей-тегжейлі айтып берді.

 

Дөңгелек үстелге қатысу­шы­лар пандемиядан кейінгі білім беру жүйесін қалпына келтірудің халықаралық тәжірибесі және осы үдеріске көмектесетін білім берудегі инновациялар, сондай-ақ Қазақстан, Қырғызстан, Тә­жікстан және Өзбекстанда кез­де­сетін салалық мәселелерді шешу жолдарын талқылады. Әлеу­меттік-экономикалық қал­пы­на келтіру кезеңіндегі білім беру жүйесін трансформациялау мүмкіндіктері туралы баян­да­малар жасап, тәжірибе алмас­ты.

 

11.05.2022 ж.

Ақпарат көзі: egemen.kz



12

Вернуться назад