Республикалық студенттік пәндік олимпиада

2023 жылғы 18-19 cәуірде Тарих және құқық институты «Әлем тарихы» кафедрасының аға оқытушысы Дидар Мамырбаев «Дінтану» мамандығы бойынша XV Республикалық студенттік олимпиадада «6В01602 Тарих-Дінтану» мамандығына жетекшілік етті.

Нұр-Мүбарак Египет ислам мәдениеті университетінде өткен олимпиадаға «Әлем тарихы» кафедрасынан «6В01602 - Тарих-Дінтану» мамандығының 2-3 курс студенттері: Жұбандыков Асқар, Кеңес Нұрәлем, Алтынбек Дінмұхаммед қатысты. Студенттер алғаш рет «Дінтану» және «Теология» мәселелері туралы пәндік олимпиадаға қатысып, сайыстың қыр-сырларын үйреніп, келесі жылға жоспарланған олимпиадаларда міндетті түрде жүлделі орын алуға уағдаласты. Студенттер Республикалық студенттік олимпиададан 25.000 теңге ақшалай ұтыс және викториналық заттай сыйлықтарға ие болды.Олимпиада қызықты әрі нәтижелі өтті.