Қысқы мектеп: Сыбайлас жемқорлыққа қарсы іс-қимыл туралы семинар

2020 жылдың 8 қаңтарында Абай атындағы Қазақ ұлттық педагогикалық университетінде «Өзгермелі әлемдегі педагогикалық білім: жаңа басымдықтар» Қысқы мектебі аясында «Халықаралық стандарт талаптары негізінде сыбайлас жемқорлыққа қарсы іс-қимыл жүйесін жобалау» тақырыбында семинар өтті. Оны «ISO енгізу агенттігі» консалтингтік компаниясының директоры Анатолий Бандуро жүргізді.

Іс-шараның негізгі мақсаты - университеттегі сыбайлас жемқорлықтың алдын алу, қызметкерлер мен студенттерді жемқорлыққа қарсы тәрбиелеу және түсіндіру шаралары, сондай-ақ сыбайлас жемқорлыққа қарсы іс-қимыл саласындағы ведомствоаралық өзара әрекетті дамыту.

Семинарға ректор Такир Балықбаев, проректорлар, институт директорлары мен кафедра меңгерушілері, университеттің құрылымдық бөлімшелерінің басшылары қатысты.

Ректор Такир Балықбаев аталған семинардың маңыздылығы мен өзектілігін атап өтті: «Қысқы мектеп аясында біз ауқымды оқу семинарларын өткізудеміз. Оның негізгісі - «Халықаралық стандарт талаптары негізінде сыбайлас жемқорлыққа қарсы іс-қимыл жүйесін жобалау» семинары. Біз Мемлекет басшысының және Қазақстан Республикасы Білім және ғылым министрлігінің алға қойған міндеттерін толығымен қолдаймыз, оларды іске асыру үшін студенттер, оқытушылар мен қызметкерлер арасында сыбайлас жемқорлыққа төзбеушілік және парасаттылық мәдениетті қалыптастыру үшін барлығын жасаймыз. Ол үшін біз әртүрлі бағытта жұмыс жасаудамыз. Сыбайлас жемқорлыққа қарсы Кеңес, «Парасат» орталығын құрдық, тиісті комиссия жұмыс істеуде. Бұған қоса, «Халықаралық ISO стандарттары бойынша сыбайлас жемқорлыққа қарсы менеджмент жүйесі» енгізілуде: 51 адам арнайы оқудан өтпек. Басшылық арасында сыбайлас жемқорлыққа қарсы түсіндірме жұмыстары жүргізілді, бұдан әрі осындай шаралар оқытушылар мен студенттер арасында жүргізілетін болады.

Биыл тағы бір маңызды қадам жасалды. Сыбайлас жемқорлық фактілерінің алдын алу және университеттің «Академиялық адалдық» кодексін сақтау мақсатында студенттер мен оқытушылар құрамынан тұратын мониторинг тобы құрылды. Емтихан барысында «Академиялық адалдық» кодекс ережелерін бұзған және жемқорлық фактілеріне жол берген студент университеттен шығарылады. Сессияның қорытындысы бойынша оның нәтижелері анықталып, тиісті шаралар қабылданатын болады. Университет жемқорлық күрес бойынша халықаралық стандарттарға сәйкес белсенді жұмыс жүргізуді жалғастыратын болады».

Семинар барысында Анатолий Бандуро ISO заңнамалық базаның нормативті өлшемдері мен стандартталған талаптары туралы егжей-тегжейлі айтты. Сонымен, ISO 37001: 2016 халықаралық стандарты сыбайлас жемқорлық тәуекелдерін бағалау, ISO стандартының құрылымына талдау жасау, университетте сыбайлас жемқорлыққа қарсы менеджмент жүйесін енгізу және жетілдіру, жүйені және оның процестері мен элементтерін жобалауға қойылатын талаптарды күшейтеді. Сондай-ақ, халықаралық ISO стандарттарына сәйкес сыбайлас жемқорлыққа қарсы менеджмент жүйесін құрудың 4 кезеңі - жүйелік талаптарды қалыптастыру; СЖҚМЖ құру; СЖҚМЖ талаптарға сәйкестігін тексеру; үздіксіз жетілдірумен СЖҚМЖ жұмысы туралы айтылды.

Семинар нәтижелі өтті, шара барысында қатысушылар жан-жақты пікір алмасты.

Қоғаммен байланыс жөніндегі бөлім