Мен ҚазПИ-ге ризамын!

Құрметті оқырман!

         Абай атындағы ҚазҰПУ (бұрынғы ҚазПИ) - 1928 жылы 1 қыркүйекте «Қазақ мемлекеттік университеті» атауымен ашылған қазақтың тұңғыш жоғары білім беретін оқу орны. Биыл оған 85 жыл толады. Егер  Сіз ҚазПИ-де  білім алып, ұмытылмас студенттік жылдарыңызды өткізіп, осы оқу орнында жүріп өмірлік серігіңізді кездестірсеңіз, онда сол бір қызығы мол жылдар жөнінде естелік жазып ой бөлісуіңізге болады. Университеттің 85 жылдық мерейтойына орай, Магистратура және PhD докторантура институты «Қазақстан тарихы мен мәдениеті» кафедрасы, «Айтылған тарих» ғылыми-зерттеу орталығы «Абай атындағы ҚазҰПУ-дың тарихи портреті оқытушылардың естеліктерінде» атты ғылыми жоба аясында материалдар (естеліктер, мемуарлық, фото және басқа мазмұндағы)  жинастыруда. 

         Естелік материалдарыңызды осы жылдың 1 қыркүйегіне дейін орталыққа жолдауыңызды өтінеміз. Сіздердің  жолдаған  материалдарыңыз университеттің 85 жылдығына орай жарық көрмек. «Абай атындағы ҚазҰПУ-дың тарихи портреті оқытушылардың естеліктерінде» жинағы университет мерейтойы үшін аса  құнды сый болмақ!