Ұлы Отан соғысындағы Жеңістің 75 жылдығына арналған акция

Жеңістің 75 жылдығы қарсаңында «Нұр Отан» партиясы Жетісу аудандық филиалы Саяси кеңесінің мүшесі, Қазақстан халқы Ассамблеясының мүшесі, «Барбанг» Қазақстан күрдтері қауымдастығының вице-президенті, Тарих және құқық институтының саясаттану және әлеуметтік-философиялық пәндер кафедрасының PhD докторанты Вакиль Набиев Ұлы Отан соғысының ардагерлерін құттықтады.

Акция аясында Ұлы Отан соғысының қатысушылары мен тыл еңбеккерлеріне 20 азық-түлік себеті жасалып, оларға табыс етілді.

«Біз Ұлы Отан соғысының ардагерлеріне, тыл еңбеккерлеріне жеңіске жеткендері үшін және бізге бейбіт және жарқын болашақ сыйлаған аға ұрпақтың барлығына шынайы ризашылығымызды білдіреміз», - дейді ҚазҰПУ докторанты Вакиль Набиев. Сонымен қатар ол қайырымдылық акциясының жалғасатынын айтты.

Қоғаммен байланыс жөніндегі бөлім