Пірәлиев Серік Жайлауұлы 1952 жылғы 12 қаңтарда Оңтүстік Қазақстан облысы, Түлкібас ауданы, Ақбиік бұрынғы Куйбышев ауылында туған.

1976. С.М.Киров атындағы Қазақ мемлекеттік университетінің (бүгінде Әл-Фараби атындағы Қазақ ұлттық университеті) химия факультетін бітірді.
1976 -1985. Қазақ КСР Ғылым Академиясы химия институтының гербицидтер синтезі зертханасының лаборанты, инженері, кіші ғылыми қызметкері.
1984. 02.00.03 Органикалық химия мамандығы бойынша кандидаттық диссертация қорғады.
1985 - 1988. Қазақ КСР Білім және ғылым министрлігінің Жоғары білім беру жөніндегі оқу-әдістемелік басқарамасының аға инспекторы, басқарма бастығының орынбасары, Министрдің көмекшісі.
1988 - 1995. Қазақстан Республикасы Білім және ғылым министрлігі Шетелдік оқушылармен жұмыс және шетелдермен байланыс жөніндегі бөлімінің, сондай-ақ халықаралық байланыс басқармасының бастығы.
1995 - 1997. Қазақстан Республикасы Министрлер Кабинеті Сыртқы байланыс бөлімінің сектор меңгерушісі, ТМД елдерімен байланыс жөніндегі комитет төрағасының орынбасары, Қазақстан Республикасы Білім және мәдениет министрлігінің Жоғары және орта арнаулы білім беру департаменті директорының орынбасары, жоғары және орта арнаулы білім беру басқармасының бастығы.
1997-1998. Қазақстан Республикасы Білім, мәдениет және денсаулық сақтау министрлігінің жоғары және орта арнаулы білім басқармасы бастығының орынбасары, Қазақстан Республикасы Білім, мәдениет және денсаулық сақтау министрлігінің жоғары және орта арнаулы білім басқармасының бастығы.
1998-1999. Ғылым және жоғары білім Министрлігінің жоғары білім беру департаменті директорының орынбасары.
1999 - 2003. Қазақ мемлекеттік қыздар педагогикалық институтының ректоры.
2002. 13.00.01 Жалпы педагогика мамандығы бойынша «Жоғары оқу орындары мен жалпы білім беретін мектептер жүйесінде жас мамандарды кәсіптік адаптациялаудың ғылыми-педагогикалық негіздері» тақырыбына докторлық диссертация қорғады, педагогика ғылымының докторы атағын алды.
2003. Доцент атағы берілді.
2003 - 2007. Яссауи атындағы Халықаралық Қазақ-Түрік университетінің президенті.
- Оңтүстік Қазақстан облысы Мәслихатының депутаты.
2004. Профессор атағы берілді.
2005. Қазақстан Республикасы Ұлттық инженерлік академиясының академигі.
2007 - 2008. Қазақстан Республикасы Білім және ғылым министрлігінің жауапты хатшысы.
2008 - бүгінгі күнге дейін. Абай атындағы Қазақ ұлттық педагогикалық университетінің ректоры.

- Алматы аймағы жоғары оқу орындары ректорлар кеңесінің төрағасы.
- ҚР ҰҒА қоғамдық және гуманитарлық ғылымдар бөлімінің төрағасы.
- ҚР Білім және ғылым министрлігі алқасының мүшесі.
- «Нұр Отан» ХДП саяси бюросының мүшесі.
2011- Қазақстан Республикасы Президентін сайлау кезінде Республикалық қоғамдық штабының мүшесі.
2012 - V шақырылған Алматы қалалық мәслихатының депутаты.

2014- Еуразия мемлекеттері педагогикалық ЖОО қауымдастығының төрағасы.

Марапаттары

 
1999. «ҚР Білім беру ісінің үздігі» төсбелгісімен марапатталды.
2004. Нобель сыйлығының иегері П.Л. Капица атындағы күміс медалімен марапатталды.
2005. Қазақстан Республикасы Президентінің жарлығымен «Құрмет» орденімен марапатталды.
2007. «Қазақстан Республикасы ғылымын дамытуға сіңірген еңбегі үшін» төсбелгісімен марапатталды.
2011. «Қазақстан Республикасы тәуелсіздігіне 20 жыл» медалімен марапатталды.
А. Байтұрсынов атындағы алтын медалі, «Нұр Отан ХДП «Белсенді қызметі үшін» медалімен марапатталған, Халықаралық Жаңа ғылыми ашылымдар мен өнертабыстар академиясы дипломының иегері.
2012. ҚР Президентінің Жарлығымен еліміздің мәдени дамуына сіңірген еңбегі, белсенді қоғамдық қызметі үшін «Парасат» орденімен марапатталды.

2015.Алтынсарин атындағы мемлекеттік сыйлықтың иегері.

2015.Жамбыл атындағы халықаралық сыйлықтың лауреаты.