Цукуба Университетінің студенттік (ЖОО-дан кейінгі) халықаралық онлайн-конференциясы (Жапония)

2021 жылдың 18 және 19 наурызында Цукуба Университеті (Жапония) «Пандемия жағдайында магистранттар мен докторанттар көзімен білім беру: қиындықтар мен перспективалар» тақырыбында сегіз елдің (Қазақстан, Ресей, Польша, Тайланд, Корея, Жаңа Зеландия және Қытай) педагогикалық университеттерінің студенттердің қатысуымен (ЖОО-дан кейінгі) халықаралық онлайн-конференциясын өткізді.

Конференцияның мақсаты - COVID-19 пандемиясы кезіндегі білім туралы пікір алмасу және одан кейінгі мәселелер мен перспективаларды талқылау, сондай-ақ әр түрлі академиялық және мәдени білімі бар болашақ жас ғалымдарға осы қиын кезеңдердегі тәжірибелер мен қиындықтарды талқылау үшін платформа құру.

Конференция аясында төрт тақырыптық секциялар өтті: «Біз кездескен кедергілер, оларды қалай жеңуге тырыстық, осындай тәжірибе нәтижесінде алынған сабақтар мен жаңа перспективалар», «Бастауыш және орта мектептердегі кедергілер, оларды қалай жеңуге тырысты және мектептер үшін сабақ және жаңа перспективалар», «Қиындықтар және қоғамдастықтағы кенеттен болған өзгерістер», «Мектептерде, әсіресе жоғары оқу орындарында білім беру бағдарламаларын жетілдіру бойынша пандемиялық тәжірибені пайдалану бойынша шығармашылық және инновациялық ұсыныстар».

Профессор Йошиасу Иданың ресми шақыруымен бұл конференцияға біздің Педагогика және психология, филология және көптілді білім беру институттарының магистранттары мен докторанттары қатысты. Сондай-ақ, кафедра меңгерушісі Айгерім Көшербаеваның және Халықаралық ынтымақтастық департаментінің жетекшілігімен университетіміздің педагогика және психология кафедрасының докторанттары Алена Губенко мен Румилям Мухпулова және магистрант Гүлдана Бегімбетова спикер ретінде қатысты: «Innovative thinking and transformation of the educational environment during covid-19 in Kazakhstan» (Қазақстандағы Covid-19 жағдайындағы білім берудің инновациялық ойлауы және трансформациясы).

Конференцияның екі күндік жұмысының нәтижесі - қатысушылар материалдарының жинағын шығару.

Халықаралық ынтымақтастық департаменті