Жолдау ғылым мен білім саласының маңызды аспектілерін толықтай қамтыды

Мемлекет басшысы Қасым-Жомарт Тоқаевтың 1 қыркүйек Білім күні Қазақстан халқына кезекті Жолдауын жария етуі кездейсоқ емес. Президентіміз өз Жолдауында еліміздің одан әрі дамуына, білім және ғылым жүйесінің алдында тұрған бірқатар маңызды және өзекті міндеттерді шешуге бағытталған негізгі мәселелерді атап өтті.

Мемлекет басшысы қашықтан оқыту форматы бойынша ақпараттық жүйелердің сапасын жақсартуды, білім қолжетімді әрі инклюзивті болуы тиіс екенін атап өтті.

Соңғы уақыттары әлемде өзекті болып отырған инклюзивті білім беруді дамыту үшін халықтың физикалық, психикалық, интеллектуалдық, мәдени, этникалық, лингвистикалық және басқа ерекшеліктеріне қарамастан, оларға білім алуға тең құқықтарды қамтамасыз ету маңызды екенін көріп отырмыз.

Мектептерде орын жетіспеушілігі мәселесін шешуде 2025 жылдың соңына дейін 1000 мектеп салу міндеті қойылды. Балалардың сапалы білім алып, жан-жақты дамуы үшін қолайлы жағдайда тәрбиеленуі керек. Егер біз жастардың сапалы білім алып, жан-жақты дамуын қаласақ, балалар тиісті жағдайда тәрбиеленуі керек, бұл - бүгінгі заманның талабы десек болады.

Бүгінде атқарылып жатқан жұмыстардың отдандық білім беру жүйесінің дамуына қызмет ететіні сөзсіз.

Биыл педагогикалық мамандықтарға түсушілердің контингенті айтарлықтай өсті. Біздер ҚР Президентінің салалық кадрларды қолдау жөніндегі саясатын күшейтетін боламыз. Біздің міндетіміз - халықаралық деңгейде сұранысқа ие мамандарды тәрбиелеу. Жоғары оқу орындарының басшылары үшін бұл нақты және ашық жұмысты талап ететін жауапты міндет. Білім саласындағы инновациялық өзгерістерге дайын болуымыз керек.

Елдің жетекші педагогикалық университетінің басшысы ретінде бұл шаралардың барлығы ел экономикасын нығайтып қана қоймай, дамуға жаңа серпін беретініне сенімдімін. Қазір әлемді капитал емес, оны құратын адамдар басқарады. Біздің міндетіміз - халықаралық деңгейде сұранысқа ие мамандарды тәрбиелеу.

Президент Қасым-Жомарт Тоқаев Жолдауында ғылым мен білім саласындағы маңызды аспектілерге тоқталып, педагогтардың жалақысын арттыруға қосымша қаражат бөлінетінін айтты.

2021 жылдың қаңтарынан бастап педагог қызметкерлердің жалақысы 25%-ға өсті. Біздің сала үшін тағы бір маңызды қолдаудың бірі - ғылыми гранттарды іске асыру мерзімінің 3 жылдан 5 жылға дейін ұлғайтылуы, бұл ғылымның одан әрі дамуына сөзсіз ықпал етеді.

Абай университетінің ұжымы Мемлекет басшысының Қазақстан халқына Жолдауында қойылған барлық міндеттерді жүзеге асыру бойынша жүйелі жұмыстар жүргізуді жоспарлап отыр.

Дархан БІЛӘЛОВ,

«Абай атындағы ҚазҰПУ» Басқарма төрағасы-ректор

02.09.2021ж.

Ақпарат көзі: dalanews.kz