Абай университетінің ғалымдары «Үздік ғылыми қызметкер» атағына ие болды

Қазақстан Республикасы Білім және ғылым министрлігінің Ғылым комитеті жариялаған «Үздік ғылыми қызметкер - 2021» республикалық конкурсының қорытындысы бойынша Абай атындағы Қазақ ұлттық педагогикалық университетінің төрт ғалымы үздік деп танылды.

Республика бойынша конкурсқа қатысу үшін жеті бағыт бойынша 575 өтінім келіп түскен. Конкурс қорытындысы бойынша Абай атындағы ҚазҰПУ-дың төрт оқытушысы «Үздік зерттеуші» атағына ие болды.

физика-математика ғылымдарының докторы, профессор,

Абай атындағы ҚазҰПУ-дың Математика және математикалық модельдеу кафедрасының меңгерушісі

А.С. Бердышев 230-дан астам ғылыми мақалалардың авторы, оның 40-тан астамы Thomson Reuters және Scopus базалары бойынша дәйектелетін, нөлдік емес импакт-факторлы шетелдік журналдарында жарияланған. Ғылыми қызығушылықтары: дербес туындылы дифференциалдық теңдеулер, математикалық физиканың классикалық емес теңдеулеріне арналған локальды және локалды емес шеттік есептер, аралас және аралас-құрамдас типтегі теңдеулер, математикалық модельдеу. Марапаттаулар: Өзбекстан Республикасының Ғылым және техника саласындағы Жастар Одағы сыйлығының лауреаты (1986). Ы.Алтынсарин атындағы (2006 ж) және ҚР БҒМ «Қазақстан Республикасының Білім беру ісінің құрметті қызметкері» (2008 ж) медальдарымен марапатталған. «Үздік оқытушы - 2011» грантының иегері. «Үздік ғылыми қызметкер - 2021» грантының иегері.

Аяпова Таңат Тәңірбердіқызы
филология ғылымдарының докторы, Абай атындағы ҚазҰПУ профессоры, Педагогикалық Білім беру Халықаралық Ғылым Академиясының академигі.

Аяпова Т.Т. - «Қазақстан Республикасы білім беру ісінің үздігі» 07.09.1994, «Қазақстан Республикасы білім беру ісінің үздігі» 17.10.2020, «Қазақстан Республикасы ғылымды дамытуға сіңірген еңбегі үшін» 10.12.2002, «Қазақстан Республикасы ЖОО-ның үздік оқытушысы» 2007, «ҚР ЖОО-ның Ең үздік оқытушысы» байқауының қорытындысы бойынша Қазақстан Республикасы Білім және ғылым министрлігінің Мемлекеттік гранты, 2007, Қазақстан Республикасы Президентінің Алғыс хаты - 2010 ж., «Құрмет» Ордені - 5.12.2014, «Еңбек Ардагері» Медалі - 20.09.2018, «Үздік ұстаз - Абай атындағы ҚазҰПУ» 2017, «Парасат» Ордені- 13.12.2021.

Аяпова Т.Т. - Америка Құрама Штаттары, Аризона университетінің құрметті профессоры, Тусон қаласының құрметті азаматы.

Аяпова Т.Т. - 2 монографияның авторы, 3-ші монография баспада, 300-ден астам ғылыми-әдістемелік еңбектердің авторы. Қазақстан Республикасының жалпы білім беретін мектептерінің оқушыларына ағылшын тілінде оқулықтар мен оқу-әдістемелік кешендер әзірлеу және жасау бойынша авторлар топтарының жұмысын басқарды. Ол 18 жыл бойы ағылшын тіліндегі отандық алғашқы оқулықтардың топ жетекшісі және бірлескен авторы болды. Олардың саны - 64. Аяпова Т.Т. 5-9 сынып оқушыларына арналған мемлекеттік жалпы міндетті білім беру стандарттары мен ағылшын тілі пәнінің оқу бағдарламаларының авторы. Сондай-ақ, Аяпова Т.Т. 2019 жылдан осы уақытқа дейін оқытылып жатқан Шетел тілі: Екі шет тілі, 6В01703 - Бакалавриат, 7М01703 Магистратура мамандықтары бойынша білім беру бағдарламаларының авторы.

2018 - 2020 жылдары Аяпова Т.Т. Қазақстан Республикасы Білім және ғылым министрлігінің гранттық қаржыландырудың «Қазақстан Республикасы жоғары білім беру ұйымдарының көптілді білім беру жүйесіне инновациялық орталық құру арқылы пәндік кіріктірілген білім беруді енгізу үдерісін жаңғырту және CLIL оқытушыларын даярлау және қайта даярлау» ғылыми жобасын басқарады. Оның нәтижесінде мамандарды даярлауға арналған CLIL орталығы құрылды.

2021 жылдың қазанында «Мектеп» баспасынан Республикалық оқу-әдістемелік кеңес ұсынған «Ағылшын тілі тарихы» пәнінің тұңғыш оқулығы - «A History of English Language» басылып шықты.

Аяпова Т.Т. жетекшілігімен бакалаврларға «Ағылшын тілінің тарихы», «Сөйлеу әрекетінің теориясы» және «Социолингвистика» курстары ағылшын тілінде 1 курс магистранттары үшін әзірленді.

Аяпова Т.Т. - Абай атындағы ҚазҰПУ шет тілі мамандарына арналған «Бірінші тілдік тұлғаны қалыптастыру» ғылыми мектебінің негізін қалаушысы.

Аяпова Т.Т. - Жаңа қазақ әліпбиін әзірлеу жөніндегі республикалық ұлттық комиссияның мүшесі.

1990-2010 жылдары Аяпова Т.Т. Абылай хан атындағы ҚазХҚ және ӘТУ шетел филологиясы бойынша докторлық диссертацияларды қорғау жөніндегі диссертациялық кеңестер төрағасының орынбасары болды. 2019-2020 - Абай атындағы ҚазҰПУ-да «Лингвистика» мамандығы бойынша.

2015 жылы Т.Т. Аяпова республикалық деңгейде «Қазақстандық ғалым әйелдер қоғамы» қоғамдық бірлестігін құрды, 2019 жылдан бастап «Ғылым. Әйел. Қоғам» журналының бас редакторы. Қазіргі таңда бұл бірлестік «Қазақстан Республикасының атақты ғалым-әйелдері» энциклопедиясын даярлауда. Абай атындағы ҚазҰПУ «Хабаршы. Көптілді білім беру және шетел филологиясы» журналының бас редакторы.

Ол республиканың жас мамандарын даярлауға және ғылым саласына зор үлес қосуда: Т.Т.Аяпова 300-ден астам магистранттарды, 7 ғылым кандидаттарын, 3 PhD докторларын дайындады.

Мовкебаева Зульфия Ахметвалиевна
Абай атындағы Қазақ ұлттық педагогикалық университетінің «Арнайы педагогика» мамандығы бойынша кәсіби дайындық бөлімінің профессоры, коррекциялық педагогика бойынша педагогика ғылымдарының докторы.

450-ден астам жарияланымдары бар, Хирш индексі = 2. Бірқатар мемлекеттік нормативтік-құқықтық құжаттарды әзірлеуші, арнайы (түзету) мектептерге арналған оқулықтар мен оқу-әдістемелік құралдардың авторы, Шетелдік және отандық ғылыми-әдістемелік журналдардың редакциялық кеңестерінің мүшесі, бірқатар ғылыми жобалардың жетекшісі. Инклюзивті және арнайы білім беру саласындағы педагог қызметкерлер мен мамандарды даярлау, қайта даярлау және олардың біліктілігін арттыру жөніндегі Тәуелсіз Мемлекеттер Достастығына қатысушы мемлекеттердің базалық ұйымы қоғамдық кеңесінің мүшесі. PhD докторларының қорғалған 5 диссертациясының жетекшісі.

Нұрбекова Жанат Құнапияқызы

педагогика ғылымдарының докторы, Абай атындағы Қазақ ұлттық педагогикалық университетінің Информатика және білімді ақпараттандыру кафедрасының профессоры, Педагогикалық Ғылымдар Академиясының академигі, Халықаралық ақпараттандыру академиясының академигі.

Ж.К. Нұрбекова 250-ден астам ғылыми жарияланымның, оның ішінде 2 монографияның, Scopus және Web of Science халықаралық ғылыми деректер қорында 9-дан жоғары, Н-индекс Хирша -3; және IT өнімдерінің: 34 - электронды оқулықтар, 38 - цифрлық білім беру ресурстарының жинағы (800 ЦБР), 5 - ЭЕМ арналған компьютерлік бағдарлама (электрондық курстың контент-дизайнері, тестілеу, антиплагиат АЖ, e-learning CDT кредиттік-қашықтықтан оқытуға арналған АЖ, электронды оқыту, диссертациялық кеңесте онлайн дауыс беру жүйесі) және 7 сайт, ұлттық мәдениет объектілерін цифрландыруға арналған кросс-платформалық мобильді қосымшалар (iOS, Android жүйелерінде: Тоғызқұмалақ, Асық ату ойындары) авторы.

Еңбек өтілі -31 жыл, оның 15 жылдан астамы - басшы лауазымдарда (10 жылдан астам университетте IT факультетінің деканы, ақпараттандыру орталығының директоры, цифрландыру институтының директоры, стартаптың директоры және негізін қалаушы қызметтері). АТ компанияларының стартап негізін қалаушы), ғылыми зерттеуде және білім беру және EdTech саласында бағдарламалық қамтамасыз етуді әзірлеуде, 25 жылдан астам sTEM білім беру бойынша PhD докторанттарына ғылыми жетекшілік етуде.

Марапаттары: «The name in science» Сократ медалі, Оксфорд, Ұлыбритания (2014), Қазақстан университеттерінің үздік оқытушысы (2009, 2015), Алтын медаль. С.Торайғырова (2010), Ы.Алтынсарин төс белгісі (2010 ж.), Л.Н.Гумилев атындағы медаль (2018 ж.), «Ғылымды дамытқаны үшін» медалі (2018 ж.), Павлодар облысының ғылымын дамытуға қосқан үлесі үшін Қ.И.Сәтбаев атындағы сыйлық (2010).

Көрмелердің жеңімпазы (бірлескен авторлар): IT AWARDS KAZAKHSTAN: ЖОО АБЖ үздік әзірлемелері, 2009 ж., Қазақстан Республикасы Тұңғыш Президентінің Қоры: EUI сериясы, 2011 ж. - грант, «IT білім беру-2013 жүйесіндегі инновациялық ақпараттық-педагогикалық технологиялар» конкурсының жеңімпазы, Ломоносов атындағы Мәскеу мемлекеттік университеті, Мәскеу, Ресей, (2013) ; Конференцияның дипломы European Research: Innovation in Science, Education and Technology / European Science Research: innovation in Science, Education and Technology», 2019 ж.

«Үздік ғылыми қызметкер» атағының иегерлерін құттықтай отырып, шығармашылық табыстар мен жаңа ғылыми жетістіктер тілейміз!