«Мейірімді әңгімелер» әлеуметтік терапиясы

2024 жылғы 29 ақпанда «Мейірім» клубының әлеуметтік-педагогикалық бағыты бойынша қауымдастырылған профессор Г. К. Ширинбаеваның жетекшілігімен «6В01801-Әлеуметтік педагогика және өзін-өзі тану» мамандығының 2-курс ерікті студенттері Манап Аружан, Нағметова Алтынай, Сайнов Алмат, Сәрсенғалиқызы Асылай, Әбжәли Шоқан, Ибадуллаев Бақдәулет, Қалдыбек Аяулым Алматы қаласындағы «ЕРЗИ» әлеуметтік-оңалту орталығының мүмкіндіктері шектеулі адамдарына арналған «Мейірімді әңгімелер» әлеуметтік терапиясын өткізді.

Еріктілердің әлеуметтік-педагогикалық жұмысы мүмкіндігі шектеулі адамдарды әлеуметтік ортаға қосу, оның әлеуметтік мәртебесін арттыру мақсатында ұйымдастырылды. Ерікті студенттер физикалық белсенділіктен кейін эмоционалды қозу күйін жеңуге бағытталған: «Жарыққа шоғырлану»; «Мені қайтала» белсенді ерікті зейінді дамыту ойыны, әңгімелесу және жаттығулар кешені бойынша әлеуметтік терапия әдістерін қолданды.

Іс-шара барысында шығармашылық қабілеттерін көрсету және басқа адамдармен әлеуметтену үшін ішкі бірлік сезімін оятуға мүмкіндік беретін жалпы эмоционалды атмосфера үлкен маңызға ие болды. Іс-шараның рефлексивті бөлігі қатысушылардың назарын ішкі тыныштыққа, өзімен және қоршаған әлеммен шынайы үйлесімділікке аударуға ықпал етті.

«Мейірім» еріктілер клубы