Студенттер мен магистранттардың 80-ші ғылыми-зерттеу конференциясы өтті  

  2025 жылдың 24 қарашасында «Мектепке дейінгі білім беру және әлеуметтік педагогика» кафедрасында студенттер мен магистранттардың жыл сайынғы 80-ші ғылыми-зерттеу конференциясы өтті. Іс-шараға «6В01201 – Мектепке дейінгі оқыту және тәрбиелеу», «6В01801 – Әлеуметтік педагогика» білім беру бағдарламаларының 1–4 курс студенттері, сондай-ақ «7М01201 – Мектепке дейінгі оқыту және тәрбиелеу» мамандығының магистранттары қатысты. Конференция барысында бағдарламада көрсетілген барлық баяндамалар комиссия мүшелері тарапынан тыңдалып, жан-жақты талқыланды. Комиссия мүшелері: Ұ.Қ.Қыяқбаева, А.К.Карекпаева, Н.О.Атемкулова, А.А.Алимбекова, А.И.Булшекбаева, А.Ж.Жакупова.   Комиссия мүшелері қатысушылардың ғылыми-зерттеу жұмыстарына деген қызығушылығының артып келе жатқанын, зерттеу әдістерін қолдануда жаңа көзқарастар мен бағыттарды игергенін, сондай-ақ өз жұмыстарын ұсынуда креативті тәсілдерді тиімді пайдаланғанын ерекше атап өтті. Іс-шара қорытындысында үздік баяндама иелері марапатталып, жас зерттеушілерге ғылыми ізденістерін жалғастыруға бағыт-бағдар берілді. Конференция кафедраның ғылыми әлеуетін нығайтып, студенттер мен магистранттардың зерттеу мәдениетін дамытуға маңызды үлес қосты.