«Жас кәсіпкер Abai University» стартап жобалар байқауының жеңімпазы

 2025 жылдың 30-қыркүйек күні Абай атындағы Қазақ ұлттық педагогикалық университетінің ұйымдастыруымен кәсіпкерлік белсенділікті дамыту және жас зерттеушілер мен профессор-оқытушылар құрамын бизнес-жобаларды әзірлеу мен іске асыруға қатысуға ынталандыру мақсатында «Жас кәсіпкер Abai University» стартап-жобалар байқауы өткізілді. Байқауда «Мектепке дейінгі білім беру және әлеуметтік педагогика» кафедрасының оқытушысы Ауезова Айжан Әбілдақызы І орынды иеленді.«SMART балалар асханасы» жобасы ұлттық құндылықтарды заманауи білім беру технологияларымен ұштастыра отырып, балалардың дербестігін, шығармашылық ойлауын және практикалық өмір дағдыларын қалыптастыруға бағытталған. Байқау барысында ұсынылған жоба қазылар алқасы тарапынан жоғары бағаланып, оның мектепке дейінгі жастағы балалардың танымдық, әлеуметтік және тұрмыстық дағдыларын дамытудағы өзектілігі ерекше атап өтілді.