Бұл факультеттің қалыптасуы біздің университетіміздің тарихымен байланысты. Құрылған жылы (1928) факультетте үш бөлім, оның бірі - химия және биология бөлімі болатын. Біздің факультетті елімізге және әлемге танымал ғылым және білім беру ісінің қайраткелері бітірген, олардың ішінде академиктер: А.И.Сембаев, Б.А.Бірімжанов, Л.К.Клышов, Е.А.Мамбетқазиев, А.Б.Бекенов, Р.Е.Елешов және басқалар бар.

        Химия және биология факультеті 85 жыл бойы химия және биология мамандарын даярлап келеді. Факультетте 80-нен астам профессор- оқытушылар қызмет атқарса, оның ішінде 10 ғылым докторы, 43 ғылым кандидаты бар. Көбісі жоғары оқу орнына арналған «Биология», «Биохимия», «Экология», «Химия», «Генетика», «Ботаника», «Зоология» және орта мектептерге арналған «Биология», «Химия», «Экология» оқулықтарының авторлары. Факультет оқытушыларының педагогикалық және оқу - әдістемелік іс - тәжірибесі мол, білімді, білікті, әдіскер мамандар.

       Абай атындағы ҚазҰПУ «Хабаршы» журналының «Жаратылыстану-география ғылымдары» сериясы мен химия және биология бойынша ғылыми еңбектердің жинағы жүйелі түрде шығарылып тұрады.

      Факультеттің өзіндік тарихы, мол тәжерибесі бар. Студенттердің сабақтарына дайындалуына ыңғайлы, жаңа оқулықтармен және оқу құралдарымен жабдықталған факультеттің кітапханасы және оқу залы студенттерге жасайды. Негізгі оқу пәндері бойынша дәрістер арнайы жабдықталған кабинеттерде    (лингофон, компьютер, оқу телеарнасы) өтеді. Студенттерге 2 компьютерлік класс бөлінген. Университет порталы студенттерге қажетті электронды оқу құралдардың түрлерімен, оқу - әдістемелік кешендермен жабдықталған. Студенттердің әскери дайындық кафедрасынан дайындықтан өтуге мүмкіндіктері бар.

Факультетте ғылыми - зерртеу жұмыстарын жүргізетін зертханалар жұмыс істейді. Оқытушылар мен стеденттердің ғылыми зерттеу жұмыстары тек республикамызға ғана емес, сол сияқты жақын және алыс шетелдерге де танымал. Студенттер оқу барысында шет тілдерін терең оқып үйренуге, көркемөнерпаздар үйірмесіне және спортпен шұғылдануға мол жағдай жасалған.

Алыстан келген студенттер жатақханаға орналастырылады. Жатақхана оқу ғимаратының жанында орналсақан. Сол сияқты студенттік поликлиника, медпункт, арзан бағалы асханалар студенттерге қызмет жасайды.