Студенттер күніне арналған волейбол спортынан факультет арасындағы жарыс

2024 жылдың 15 қарашасында Абай атындағы ҚазҰПУ Дене шынықтыру және алғашқы әскери дайындық факультетінің ұйымдастыруымен «Студенттер күніне» орай студенттер арасында волейболдан жарыс өтті. Жарыс Олимпиадалық жүйе бойынша ұйымдастырылды (2 рет жеңіліс алған командалар ойынды ары қарай жалғастыра алмайды). Ойын 3 партиядан өткізіліп, оған 6 адамдық (4 ұл, 2 қыз) команда құрамы қатысты.

Жарыста барлығы 12 команда өз бақтарын сынаса, соның ішінде үздік атанғандар: І-орын «Алматы» командасы, ІІ-орын «Шелек» командасы, ІІІ-орын «ТДК» командасы.

Жеңімпаз атанған командалар арнайы дипломдармен, медальдармен және ақшалай сыйлықтармен марапатталды. Бас төреші және жарысқа жауапты: Е. Өмірзақов. Төреші: Т. Шәдібеков. Жарысты ұйымдастырушылар: Д.Абдубек, Д. Кәдіржан.