«ДЕНЕ МӘДЕНИЕТІ ЖӘНЕ ҚАЗАҚСТАН МЕМЛЕКЕТІНІҢ ДЕНЕ МӘДЕНИЕТІ ЖҮЙЕСІ» тақырыбында, ШЕБЕР СЫНЫП, МАСТЕР КЛАСС

Ағымдағы оқу жылының қаңтар айының 22-і күні сағат 17:00 - 17:50 аралығында Абай атындағы Қазақтың ұлттық педагогикалық университетінің «Дене мәдениетінің теориясы мен әдістемесі» кафедрасының профессоры, п.ғ.к., Еркін Қинаятұлы Уанбаев 1 курс магистранттарына арналған «Жоғары оқу орнындағы дене тәрбиесінің теориясы мен технологиясы» пәні, «ДЕНЕ МӘДЕНИЕТІ ЖӘНЕ ҚАЗАҚСТАН МЕМЛЕКЕТІНІҢ ДЕНЕ МӘДЕНИЕТІ ЖҮЙЕСІ» тақырыбында, ШЕБЕР СЫНЫП, МАСТЕР КЛАСС ашық сабағын өткізді.

Шебер сынып дәріс түрінде орындалды, оған кафедраның профессор-оқытушылары құрамы, кафедраның докторанттары, магистранттары қатысты. Сабақ жоғары ұйымдастырушылық деңгейінде өткізілді.
Е.К.Уанбаев мол оқытушылық, бапкерлік тәжірибесі бар, 40 жылдан артық жоғары оқу орнында қызмет атқарған, бүкіл Республиканың ЖОО -ның «Дене шынықтыру және спорт» мамандығы студенттері, магистранттары, докторанттары, оқытушылары оқып, қолданатын «Дене мәдениеті және спорттың теориясы мен әдіснамасы» оқулығының авторы.