Университет музейіне танымдық экскурсия

Абай атындағы Қазақ ұлттық педагогикалық университетінің 1-курс, 3-топ дене шынықтыру мамандығының студенттері, университет музейіне танымдық экскурсияға барды.
Экскурсия барысында университеттің құрылу тарихымен, оның дамуына үлес қосқан көрнекті ғалымдар мен педагогтар туралы құнды мәліметтер алдық. Музейде оқу орнының әр жылдардағы жетістіктерін көрсететін тарихи құжаттар, фотосуреттер, марапаттар мен жәдігерлер қойылған.

Сонымен қатар, Абай атындағы ҚазҰПУ-дың Қазақстандағы педагогикалық білім беру саласындағы маңызы мен рөлі кеңінен таныстырылды. Экскурсия бізге университет тарихын тереңірек түсінуге, оқу орнымызға деген мақтаныш сезімін арттыруға мүмкіндік берді. Бұл музеймен танысу біз үшін өте әсерлі әрі пайдалы болды.