Қазақстан Республикасының Тәуелсіздік күніне орай

Абай атындағы Қазақ ұлттық педагогикалық университетінде Қазақстан Республикасы Тәуелсіздік күніне арналған салтанатты жиын өтті. Мерекелік іс-шараны университеттің ректоры, профессор Такир Балықбаев өзінің құттықтау сөзімен ашты.

Ректор университеттің профессор-оқытушылар құрамын құттықтап, әріптестеріне шығармашылық табыстар мен жоғары ғылыми жетістіктерге жетуді тіледі.

Ректордың бұйрығымен университеттің бірқатар директорлары, оқу және ғылыми-педагогикалық жұмыс жөніндегі орынбасарлары, кафедра меңгерушілері, профессорлар мен оқытушылар жоғары оқу орнының дамуына қосқан үлесі мен белсенді қоғамдық қызметі үшін мерекелік төсбелгімен марапатталды. Іс-шара барысында Дене шынықтыру және спорт кафедрасының профессорлары мен оқытушылар құрамы «Абай атындағы Қазақ ұлттық педагогикалық университетінің 90 жыл» мерекелік төсбелгімен марапатталды. Салтанатты жиын соңы эстрада жұлдыздары мен өнерлі жастардың мерекелік концертімен жалғасты.