«Білім мен ғылымдағы жаһандану үдерістері» республикалық әдістемелік вебинар

2022 жылдың 30 қарашасында Ы.Алтынсарин атындағы Арқалық педагогикалық институтының Жаратылыстану және ақпараттандыру факультеті ұйымдастырған ұлт ұстазы, алаш ардақтысы, ғалым, ағартушы А.Байтұрсынұлының 150 жылдығына орай «Білім мен ғылымдағы жаһандану үдерістері» республикалық әдістемелік вебинарда Жаратылыстану және география институтының химия кафедрасының аға оқытушысы Жанар Қорғанбаева «Химия мамандығы бойынша (бакалавриат, магистратура, докторантура) жасалған білім бағдарламаларының мазмұны» тақырыбында баяндама жасады.

Баяндамада химия кафедрасы бойынша даярланған білім бағдарламаларының мазмұны толық таныстырылды. Вебинар барысында Қазақ ұлттық қыздар педагогикалық университеті (Алматы қ.), Қазақ технология және бизнес университеті (Астана қ.), Оңтүстік Қазақстан мемлекеттік педагогикалық университеті (Шымкент қ.), Ы.Алтынсарин атындағы Арқалық педагогикалық институттарының (Арқалық қ.) профессор-оқытушылар құрамы қатысып, білім бағдарламалары мазмұнына байланысты өзекті сұрақтар талданды.