қазақша · русский · english
   
09.02.2021

Абай атындағы ҚазҰПУ Ресейдің Алматыдағы Бас консулдығынан сыйлықтар алды

 

2021 жылы 8 ақпанда «Ресей ғылымы» күніне орай Абай атындағы ҚазҰПУ-дың шетел азаматтарына арналған филологиялық мамандықтар кафедрасында Алматы қаласы РФ Бас консулымен кездесу өтті.

 

Жыл сайын Ресей консулдығы кафедраға шетелдік студенттермен жұмыс жасау үшін оқу-әдістемелік сипаттағы әдебиеттерді: оқулықтар, оқу құралдары, тесттер, дискілер, видеокурстар, аудиовизуалды оқыту құралдарын сыйға тартады.

Кездесуге РФ Бас консулдығының консулы Татьяна Барышникова, білім беру жобалары саласындағы ынтымақтастық бөлімінің бастығы Тамара Зубкова, бас маман - сарапшы Ольга Мощеева, шетел азаматтарына арналған филологиялық мамандықтар кафедрасының меңгерушісі Сауле Бегалиева және аға оқытушы Феруза Ержанова қатысты.

 

Кездесу барысында кафедраның шетелдік азаматтары үшін білім беру жобалары, бірлескен бағдарламалар, конкурстар, іс-шаралар саласындағы халықаралық ынтымақтастық мәселелері талқыланды.

 

   




Кері оралу