Бастапқы әскери дайындық мамандығы студенттерінің ҰҚК Шекара Академиясына саяхаты

Абай атындағы Қазақ ұлттық педагогикалық университетінің Бастапқы әскери дайындық кафедрасының 2 курс студенттері «Әскери-патриоттық тәрбие негіздері» және «Әлемнің жетекші елдерінің қару-жарақтары» пәндері аясында ҚР ҰҚК Шекара академиясына арнайы барып, оқу орнының құрылымымен, оқу-әдістемелік базасымен және болашақ офицерлерді дайындайтын кәсіби кафедралармен жақын танысты. Сапар барысында студенттерге тәжірибелік бағыттағы семинар сабақтары ұйымдастырылып, шекара қызметінің заманауи техникасы, әскери дайындық жүйесі, тәртіп пен жауапкершілік қағидалары жан-жақты көрсетілді. Бұл шара – аталған пәндерде алынған теориялық білімді нақты тәжірибемен ұштастырып, болашақ педагогтар мен әскери дайындық мамандары үшін кәсіби көкжиегін кеңейтіп, патриоттық сана-сезімін күшейтетін маңызды тәжірибе болды. Сонымен қатар, студенттер шекара қауіпсіздігін қамтамасыз етудің қазіргі талаптарымен, жетекші елдердің қару түрлерімен салыстырмалы түрде қолданылатын әскери техникалармен, сондай-ақ офицерлерді дайындау жүйесіндегі жаңашылдықтармен танысу мүмкіндігіне ие болды. .