«Саналы ұрпақ тәрбиесі: адалдық пен сапалы білім сабақтастығы» атты әдістемелік

семинар өтті

28 қараша 2025 жылы Абай атындағы ҚазҰПУ-дың педагогика және психология факультетінің Педагогика кафедрасы мен Алматы қаласы Алатау ауданына қарасты №217 жалпы білім беретін мектеп бірлесе отырып, п.ғ.к., аға оқытушы Ф.Б. Асилбаева және п.ғ.м., аға оқытушы Т.А.Жангазиеваның ұйымдастыруымен физика-математика және информатика факультетінің 2-курс студенттеріне арналған педагогикалық практика бойынша әдістемелік семинар өткізді.

Іс-шараның мақсаты - болашақ педагогтарға саналы ұрпақ тәрбиелеу мәселесіндегі адалдық құндылықтары мен сапалы білім берудің өзара сабақтастығын көрсету, сондай-ақ ЖОО мен мектеп арасындағы тиімді ынтымақтастық тәжірибесін таныстыру.

Семинар барысында студенттерге мектептегі біртұтас тәрбие жүйесінің жүзеге асырылу жолдары, мектеп пен отбасының саналы және адал ұрпақ қалыптастырудағы серіктестігі, педагог-психолог пен әлеуметтік педагогтың атқаратын міндеттері туралы кең көлемді ақпарат берілді.

Іс-шара шеңберінде пән мұғалімдерінің шеберлік сағаттары ұйымдастырылды.

• Н.Г.Жарилхапов, физика пәні мұғалімі «Жас маманның табысты тәжірибесі» тақырыбында өз тәжірибесімен бөлісіп, болашақ педагогтерге еңбек іс әрекетіндегі сын қатерлердің алдын алу үшін бірқатар кеңестер ұсынды.
• С.М. Нысанбек, физика пәнінің мұғалімі, «Физика және робототехника: мектеп сабақтарында интеграциялау мүмкіндігі» тақырыбында білім беру үдерісіндегі заманауи тәсілдермен бөлісті.
• Шетелдік тағылымдамадан өткен математика пәнінің мұғалімі А. Спабек «STEM: заманауи тренд - білім беру бағыты» атты шеберлік сағатында STEM технологияларының мүмкіндіктерін таныстырды. Сонымен қатар, әлеуметтік педагогтың құжаттамасы, мектептегі басты қызметі түсіндірілді, Психолог мамандар студенттермен тренингтер ұйымдастырды. «Адал азамат Бәртұтас тәрбие бағдарламасы» негізінде өткізілетін жобалармен таныстырылып, өнегелі 15 минут жобасын пайдаланып, студенттермен сергіту сәті өткізілді: асық ойыны мен интелектуалды иллюстрация. Қазіргі мектептердегі басты проблемалардың бірі инклюзивті білім берудің қыр сыры үйретіп, арнайы кабинеттердің функционалдық қыметін презентациялады.

Семинар болашақ мұғалімдердің кәсіби құзыреттілігін нығайтуға, мектеп тәжірибесімен терең танысуына және тәрбиедегі адалдық қағидаттарын педагогикалық үдерісте қолдану маңызын түсінуге септігін тигізді.