«Жаңа гуманитарлық білім. Қазақ тіліндегі 100 жаңа оқулық»

Абай атындағы ҚазҰПУ Тарих және құқық факультеті саясаттану және әлеуметтік-философиялық пәндер кафедрасында «Жаңа гуманитарлық білім. Қазақ тіліндегі 100 жаңа оқулық» аясында шығарылған философиялық кітаптарды таныстыру рәсімі өтті. Іс-шараға философия мамандығының 1 курс студенттері мен 2 курс магистранттары қатысты. Шарада сөз сөйлеген аға оқытушы Бақыттыжамал Иманмолдаева және гуманитарлық ғылымдар магистрі Нуртаза Мухабаев философиялық ойдың даму тарихына айрықша үлес қосқан 15 ойшылдың шығармашылығы қарастырылған Дерек Джонстонның «Философияның қысқаша тарихы. Сократтан Дерридаға дейін» еңбегімен таныстырды.

Кездесу барысында «Жаңа гуманитарлық білім. Қазақ тіліндегі 100 жаңа оқулық» жобасы бойынша аударылған оқулықтар туралы презентация мен видео көрсетілді. Студенттер жаңа оқулықтармен қызыға танысып, өз пікірлерін білдірді және ерекшеліктеріне тоқталып маңызды тұстарын көрсетіп берді.