Абай университетінің оқытушысы Жамбыл облысында семинар өткізді

2024 жылдың 31 қазаны мен 1 қарашасында Тараз қаласындағы Ark MS қонақүйінің мәжіліс залында дін мәселері бойынша білікті мамандарды дайындауға бағытталған семинарлар өткізілді. Семинарлар ҚР Мәдениет және ақпарат министрлігі, Дін істері комитетінің бастамасымен және «Рухани жаңғыру» қоғамдық қорының ұйымдастыруымен «Дін мәселелері бойынша білікті мамандар даярлау» жобасы аясында жүзеге асырылды. Оған Жамбыл облысында ақпараттық-түсіндіру топтарының мүшелері, имамдар, психологтар, теологтар қатысты. Жиында дін мәселелері бойынша республикалық ақпараттық түсіндіру тобының мүшесі, университетіміздің оқытушысы, PhD Тұңғыш Абылов «Исламдағы жаңа ағымдар: негізгі сипаттамалары мен идеологиялық ерекшеліктері» тақырыбында дәріс оқыды. Семинарда исламдағы ағымдардың пайда болу себептерімен қатар, зерттеудің теориялық методологиялық негіздері, классификация мәселелері, қазіргі жағдайы туралы айтылды. Сонымен қатар семинар барысында қатысушылар дәріскерге сұрақтар қойып, тиісті жауап алды.