Көркем өнер шығармаларымен танысу

2024 жылдың 9 қарашасында Абай атындағы ҚазҰПУ саясаттану және әлеуметтік-философиялық пәндер кафедрасының аға оқытушысы, тарих ғылымдарының кандидаты Қапаш Қашақбаеваның жетекшілігімен Тарих және құқық факультетінің 2 курс қазақ бөлімі «6В03102-Мәдениеттану» мамандығының студенттері Ә.Қастеев атындағы Қазақстан Республикасының мемлекеттік өнер мұражайына барды. 

Музейге саяхат жобасының мақсаты - студенттердің рухани мәдениетін көтеру, «Қазақ халқының салт-дәстүрлерінің маңызы және заманауи көзқарастары» атты тақырыпта тәжірибелік сабақ жүргізу. Сондай-ақ, мұражайдың көркем өнерлік шығармаларымен таныстыру барысында студенттердің өнер тарихына қызығушылығын арттыру және мұражайдағы экспонаттар арқылы мәдени мұраларды бағалауға үйрету.