«Болдино» филология студенттері мен мектеп оқушыларының әдеби қонақ бөлмесінде

2023 жылғы 27 қаңтарда Абай атындағы ҚазҰПУ Филология институтының «Орыс тілі мен әдебиеті» кафедрасы және №165 мамандандырылған лицей А.С. Пушкиннің әйгілі ертегілерінің жазылғанына 190 жылуына орай «Болдино - А.С.Пушкин ертегілерінің отаны» әдеби қонақ бөлмесінде халықаралық кездесу ұйымдастырды. Кеш ТМД елдеріндегі ұлтаралық қатынас тілі ретіндегі Орыс тілі жылы аясында өтті.

Қонақтарды Алматыдағы Ресей ынтымақтастығы өкілдігінің білім беру жобалары саласындағы ынтымақтастық бөлімінің бастығы Тамара Зубкова қарсы алды. Лицей оқушылары өзінің сынып жетекшісі Ольга Стрельцова мен әдебиет мұғалімі Марина Асылбекованың жетекшілігімен ұлы ақынның ертегілерінен өлеңдер мен үзінділер оқи отырып, әдеби композиция дайындады.

А.С.Пушкиннің «Болдино» мемлекеттік әдеби-мемориалдық және табиғи қорық-мұражайының ғылыми қызметкері Наталья Дербенева мұражай, өз өлкесінің көрікті жерлері туралы айтып берді, ал экранда жүріп жатырған презентация қонақтарға Болдино үйіне таңғажайып саяхат жасауға, Пушкин ертегілері кейіпкерлерінің балалар мұражайына баруға көмектесті. Болдино - бірегей мұражай, өйткені 1830 және 1833 жылдары А.С. Пушкин тұрған үй сол жерде сақталған.

Н.И.Лобачевский атындағы Нижний Новгород мемлекеттік университетінің «Орыс әдебиеті» кафедрасы профессоры, әйгілі «Болдин оқулары» халықаралық ғылыми конференциясын ұйымдастырушысы және тұрақты қатысушысы Ирина Юхнова өз сөзінде А.С. Пушкиннің ертегілері туралы, ертегідегі кейіпкерлері қаншалықты заманауи екендігі және адамгершілік туралы өз түсінігімен бөлісті. Қазіргі кішкентай және ересек оқырмандар А.С. Пушкинге сөзсіз сенім артады, өйткені оның ертегілерінде адамгершілік бар.

Ақынның ертегілерінде кездесетін даналық туралы Валлетадағы (Мальта) Орыс үйінің жетекшісі Ирина Переверзева айтты. А.С.Пушкин поэзиясының Мальта тіліндегі кітабы, Мальта Республикасындағы Ресей Ғылым және мәдениет орталығының Орыс тілі курсының студенттерінің ақынның өлеңдерін бірлесіп оқуы - бұл әртүрлі елдердің адамдарын біріктіретін үлкен жобалар.

Кешті қорытындылай отырып кафедра меңгерушісі Сәуле Әбішева қонақтар мен кездесуге қатысушыларға алғысын білдірді. Ол Пушкиннің поэзиясы бүгінде бәріне жақын және қажет, өйткені оның ертегілері мен өлеңдерінде жақсылықтың, даналық пен әділеттіліктің аксиологиялық аспектісі бар деген ортақ пікірді білдірді.

Кештің барлық қатысушылары: оқушылар, студенттер, педагогтар - ұйымдастырушыларға сөз сөйлеудің ақпараттық қанықтылығы үшін ғана емес, кездесудің жағымды, эмоционалды және рухани көңіл-күйі үшін де ризашылықтарын білдірді.