Иллинойс  университетіндегі (АҚШ) Қазақ мәдениеті күні

2024 жылдың 28 қазанында  Абай атындағы ҚазҰПУ орыс тілі мен әдебиеті кафедрасының оқытушылары, «Болашақ» стипендиаттары - Ф.М.Ержанова, Г.Е.Жандыкеева, С.К.Серикова  және  А.Б.Умарова  Урбана-Шампейндегі Иллинойс  университетінде (АҚШ) ұйымдастырылған «Intercultural Spotlight: Kazakhstan» іс-шарасына қатысты. Оқытушылар американдық жоғары оқу орны басшылығының және шетелдік әріптестерінің алдында бірінші болып Қазақстан жайлы танымдылық мәліметтер ұсынды.

Іс-шара барысында Қазақстанның ұлттық мәдениетімен, табиғатымен, оның тарихи ескерткіштерімен, сондай-ақ заманауи отандық мәдениет пен спорт өкілдерімен А.Б.Умарова таныстырды. Ол елде дамып келе жатқан инновациялық платформалар мен технологиялар туралы баяндады. Сондай-ақ, спикерлер қазақстандық білім беру жүйесін таныстырып, өздерінің ғылыми тәжірибелерімен бөлісті және ғалымдарға мемлекет тарапынан көрсетілетін ерекше қолдауды атап өтіп, кәсіби өсу туралы пікірлерін білдірді.

Іс-шарада қатысушыларға дәстүрлі қазақ тағамдары ұсынылды. Оларға естелік кәдесыйлар мен қазақстандық шоколад табысталды. Іс-шара қатысушылар тарапынан Қазақстанға және оның мәдениетіне үлкен қызығушылық тудырды. Көптеген қонақтар қазақ тілін үйренуге және елдің бай мұрасымен танысуға ниет білдірді.