Орыс тілі мен әдебиеті кафедрасының профессоры Палацкий университетінде (Чехия) дәріс оқыды  

Филология ғылымдарының докторы, орыс тілі мен әдебиеті кафедрасының профессоры Дамина Шайбакова Палацкий университетіне (Чехия) визитинг-профессор ретінде дәріс оқуға барды.

Профессор «Қазақстандағы орыс тілі» тақырыбында дәрістер топтамасын ұсынды. Онда орыс тілінің мәртебесі, трансформациясы, плюрицентризмі және басқа да өзекті лингвистикалық мәселелер сияқты маңызды аспектілерінен құралған материалдар қамтылды.

Дәрістер Чехия магистранттары мен оқытушыларының үлкен қызығушылығын тудырды. Профессор Дамина Шайбақованың жоғары кәсібилігін атап өтіп, болашақта тағы да дәріс оқу үшін шақыруға ниет білдірді. Сондай-ақ Дамина Шайбакова университет студенттерімен кездесті, олар академиялық ұтқырлық бойынша келесі семестрде Абай атындағы ҚазҰПУ-ға келуді жоспарлап отыр.

Айта кетейік, биылғы оқу жылының басынан бастап Абай атындағы ҚазҰПУ бакалавр бағдарламасының 2 курсында оқитын төрт студент академиялық ұтқырлық бағдарламасы бойынша Палацкий университетінде (Оломоуц қ., Чехия) білім алуда.