Орыс тілі мен әдебиеті кафедрасы инклюзивті білім беру бойынша Бірінші Дүниежүзілік конгресте

16-17 қазанда Abai University өкілдері әлемнің түкпір-түкпірінен келген сарапшыларды, тәрбиешілерді және зерттеушілерді біріктіретін инклюзивті білім беру жөніндегі Бірінші Дүниежүзілік Конгреске қатысты.

Университет оқытушылары, докторанттары мен магистранттары төменде көрсетілген тақырыптары бойынша талқылауларға, шеберлік шаралары мен презентацияларға белсенді қатысты:

- инклюзивті білім берудің заманауи тәсілдері,
- ерекше білім беру қажеттіліктері бар балаларды оқытудың инновациялық әдістері,
- мұғалімдер мен ата-аналарды қолдау стратегиялары.

Конгресс отандық және шетелдік мамандар арасында тәжірибе алмасу, кәсіби байланыстарды нығайту және әрбір бала үшін тең білім беру мүмкіндіктері идеясын ілгерілету үшін маңызды алаңға айналды.