DAAD халықаралық жобасының құрамы Германияда

Абай атындағы Қазақ ұлттық педагогикалық университетінің ғалымдары мен студенттері 2025-2026 жылдарға арналған DAAD халықаралық жобасына "The Network on International Education in South Caucasus and Central Asia at the Intersection of Educational Spaces" (NIE-SCCA-EdSp) қатысуда.

Жоба аясында биыл халықаралық білім беру мәселелері бойынша 7 ғылыми воркшоп ұйымдастырылып, Баку қаласындағы Әзербайжан мемлекеттік педагогикалық университеті базасында гибридті форматта халықаралық конференция өткізілді.

Қазіргі уақытта зерттеу тобының жұмыс сапары Германияның Фридрих-Александр Эрланген-Нюрнберг университетінде (FAU) өтуде.

Abai University атынан жобаға педагогика ғылымдарының докторы, профессор Абдигапбарова У.М., педагогика ғылымдарының кандидаты, қауымдастырылған профессор Ибраева К.Е., PhD докторы Молдагали М.Б., сондай-ақ студенттер Жумабай Ш. және Мусилим А. қатысуда.

Сапар барысында бірқатар іс-шаралар өткізілді:

• Prof. Dr. Anatoli Rakhkochkin жетекшілігімен «Current Problems and Research Results in the Field of International Education (Systematic and Interdisciplinary Perspectives)» тақырыбындағы семинар өтті. Онда қатысушылар халықаралық білім беруді зерттеудің заманауи тәсілдері мен пәнаралық әдістерін, сондай-ақ бірлескен зерттеулердің нәтижелерін талқылады.
• Dr. Yashar Musayev жетекшілігімен жобаның тақырыптық топтарының жұмысы бойынша консультациялар өтті.
• Derya Bugur және Melisa Muminovic (Department of Islamic-Religious Studies, Bavarian Research Center for Interreligious Discourses - BaFID) өкілдерімен кездесу өткізіліп, білім беру саласындағы дінаралық және мәдениетаралық ынтымақтастықтың болашағы талқыланды.
• FAU философия және теология факультетінің интернационалдандыру жөніндегі вице-деканы Prof. Lutz Edzard мырзамен академиялық мобильділікті дамыту және бірлескен зерттеу іс-шараларын ұйымдастыру мәселелері қарастырылды.

FAU университетінің президенті Prof. Dr.-Ing. Joachim Hornegger және вице-президентімен Prof. Dr. Andreas Hirsch маңызды кездесу өтті. Abai University атынан кездесуге профессор, жоба үйлестірушісі Улжаркын Абдигапбарова қатысты.

Жұмыс сапары Орталық Азия, Оңтүстік Кавказ және Германия университеттері арасындағы академиялық ынтымақтастықты тереңдетуге, тәжірибе алмасуға және халықаралық серіктестікті кеңейтуге бағытталған.