Абай Құнанбаевтың 180 жылдығына арналған халықаралық мерейтой іс-шарасы

2025 жылғы 1-3 желтоқсан аралығында Абай атындағы ҚазҰПУ филология факультетінде Абай Құнанбаевтың 180 жылдығына арналған халықаралық мерейтой іс-шарасы өтті.

Ұйымдастырушы филология факультеті болды. Іс-шараны дайындауға және өткізуге орыс тілі мен әдебиеті кафедрасы белсенді қатысты.

1 желтоқсанда «Абай мұрасы және цифрлық өркениет: ғылым, білім және руханият тоғысындағы жалпыадамзаттық құндылықтар» атты халықаралық форум өтті.

3 желтоқсан күні аталған іс-шара аясында Қазақстан мен шет елдердің ғылыми және мәдени мекемелерінің өкілдерін біріктірген «Абай мұражайлары мен орталықтары» тақырыбында халықаралық виртуалды туры өтті.

Виртуалды формат қатысушыларға Абай мұражайларының, орталықтарының қызметімен, сондай-ақ олардың ғылыми-ағарту жұмысының бағыттарымен танысуға мүмкіндік берді.

Виртуалды тур аясында орыс тілі мен әдебиеті кафедрасы Слупск қаласындағы (Польша) Поморск университетінің жанындағы Абай орталығын ұсынды. Тұсаукесер Қазақстаннан тыс жерлерде Абай мұрасын зерделеу және дәріптеу саласындағы көпжылдық халықаралық ынтымақтастықтың үлгісі болды.

Виртуалды турға Поморск университетінде қос диплом бағдарламасы бойынша оқитын кафедра студенттері және Польшада ғылыми тағылымдамадан өткен 2 курс магистранттары да қосылды.

Бағдарламаның жеке тармағы кафедра түлегі, «Босаға» жобасының бастамашысы Максим Пономаренконың және «Абай толқынында» челленджінің бейнебаяны болды. Бейнефайлда Абай шығармашылығын әлемде кеңінен насихаттауға бағытталған жобаның қорытындылары ұсынылды.

Мерейтойлық іс-шара халықаралық диалогты кеңейтуге, ғылыми және мәдени байланыстарды нығайтуға, сондай-ақ Абай Құнанбаевтың рухани мұрасын елімізден тыс жерлерге ілгерілетуге ықпал етті.