Орыс тілі мен әдебиеті кафедрасында профессор У.М. Бахтикиреевамен кездесу өтті

2026 жылғы 30 мамырда Абай атындағы Қазақ ұлттық педагогикалық университетінің Орыс тілі мен әдебиеті кафедрасында филология ғылымдарының докторы, Ресей халықтар достығы университеті Орыс тілі институтының профессоры, Ресей ғылым академиясы А.М. Горький атындағы Әлем әдебиеті институтының жетекші ғылыми қызметкері, «Көптілділік және транскультуралық практикалар» ғылыми журналының бас редакторы У.М. Бахтикиреевамен кездесу өтті.

Кездесуге Филология факультетінің декан міндетін атқарушы Б.Т. Тлуебекова, кафедра меңгерушісі С.Д. Әбішева, кафедраның профессор-оқытушылар құрамы, докторанттар мен бітіруші курс студенттері қатысты.
Сапар аясында У.М. Бахтикиреева қазіргі филологияның өзекті мәселелеріне, көптілділік құбылысына және гуманитарлық ғылымдар саласындағы ғылыми зерттеулерді дамыту бағыттарына арналған ашық дәріс оқыды. Дәріс оқытушылар мен білім алушылардың үлкен қызығушылығын тудырып, тіл білімі мен әдебиеттану саласындағы заманауи үрдістерді талқылауға арналған кәсіби алаңға айналды.

Сондай-ақ қонақ Abai Library кітапханасына барып, ғылыми-зерттеу қызметі және инновациялар жөніндегі проректор Сұлтан Ертаймен және кафедра оқытушылары М.М. Мирзахметовпен, Д.А. Сабировамен, А.У. Байболовпен жұмыс кездесуін өткізді. Кездесу барысында ғылыми-зерттеу жұмыстарының дамуы, жарияланымдық белсенділік, академиялық ынтымақтастық және болашақтағы әріптестік перспективалары талқыланды.

Кездесу ашық кәсіби диалог жағдайында өтіп, Абай атындағы ҚазҰПУ мен жетекші ғылыми-білім беру орталықтары арасындағы ғылыми байланыстарды нығайтудың маңызды қадамы болды. Тараптар бірлескен ғылыми-зерттеу және білім беру бастамаларын дамытуға өзара қызығушылық білдірді.