Магистрант-аудармашылардың педагогикалық практиканың нәтижелері

Профессор А.К. Жұмабекова жетекшілігімен Филология институты «7М02302 - Аударма ісі» мамандығының 2 курс магистранттары 2023 жылдың 16 қазан мен 11 қараша аралығында педагогикалық практикадан өтті.

Тәжірибе бакалавриат базасына іске асырылды: магистранттар Филология институты шығыс филологиясы және аударма ісі кафедрасының «6В02302 - Аударма ісі» мамандығының 1, 2 және 4 курс студенттердің сабақтарына қатысты.

2023 жылдың 13 қазанында өткен алғашқы конференцияда магистранттарға педагогикалық практиканың мақсаттары, міндеттері және құрылымы түсіндірілді. 7 қарашадан бастап магистранттар ашық сабақтар өткізе бастады. Педагогикалық іс-тәжірибе бағдарламасының талабы бойынша олар ашық сабақтарға қатысып, баға берулері керек еді. Барлық магистранттар ағылшын тілінде ашық сабақтар өткізді: Асанова Меруерт - «Баламасыз лексиканы аудару мәселелері» - 07.11.23, 4 курс; Абдукаримова Айсулу - « Аударманың лингвистикалық теориясының концепциялары» - 07.11.23, 1 курс.

Қорытынды конференцияда магистранттардың бағалары жарияланып, тәжірибе бойынша құжаттамалары тексерілді. Магистранттар теориялық дайындықтың жоғары деңгейін көрсетіп, сабақ беруде жақсы тәжірибелік тәжірибе жинақтады және болашақта бакалавриат пен колледж деңгейінде аударма пәндерін оқытуға дайын!