Мектеп оқулықтарының авторларына арналған біліктілікті арттыру курстары

2022 жылдың 12 - 23 желтоқсан аралығында Абай атындағы ҚазҰПУ-дың педагогика және психология кафедрасы баспалардың сұранысы бойынша коммерциялық негізде (бюджеттен тыс) мектепке дейінгі тәрбие мен білім беру ұйымдарымен мектеп оқулықтары мен әдістемелік құралдар авторлары үшін «Жаңартылған білім беру мазмұны жағдайындағы заманауи мектеп оқулығы» және «Мектепке дейінгі тәрбие мен білім беру саласындағы оқу-әдістемелік кешендерді дайындау» тақырыптарында біліктілік арттыру курстарын өткізді (80 сағ.).

Бағдарламаны ҚР БҒМ тапсырмасы бойынша А.Ш. Оракова мен Т. Б. Корнилова әзірледі және ҚР БҒМ бекіткен (20.04.2020 ж. № 18-1/60 хат).

Курстар қашықтықтан оқыту форматында өткізілді.

Курстық бағдарлама орта білім мазмұнын жаңарту шеңберінде мектеп оқулықтары мен мектепке дейінгі тәрбие мен білім беру ұйымдарының оқу-әдістемелік кешендеріне сараптама жүргізу құралдары мен авторларының кәсіби деңгейін көтеруге бағытталған.Білім беру саласындағы қолданыстағы нормативтік құқықтық актілерге сәйкес мектеп оқулықтарын және оларды дайындауға қойылатын талаптарды орындау дағдыларын жетілдіруге көп көңіл бөлінді.

Курсқа «Алматыкітап», «Атамұра», «Арман ПВ», «Білім-Нұры» баспаларынан және Ы.Алтынсарин атындағы Ұлттық білім академиясының жетекші мамандарынан 123 тыңдаушы қатысты. Курсқа қазіргі авторлар да, авторлар тобы да, оқулықтар мен оқу-әдістемелік құралдарды жаза бастаған практик мұғалімдер де қатысты.

Сабақтарды өткізуге оқулықтану саласының 18 жетекші ғалымы тартылды: оның 9-ы Абай атындағы ҚазҰПУ қызметкерлері.

Бағдарламаның мақсаты орта және мектепке дейінгі тәрбие мен білім беру мазмұнын жаңарту шеңберінде мектеп оқулықтары мен әдістемелік құралдарды, оқулықтар мен оқу-әдістемелік кешенді сараптау құралдарын әзірлеу саласында авторлардың кәсіби деңгейін арттыру болып табылады.

Бағдарламаның міндеттері - білім беру саласында қолданыстағы нормативтік-құқықтық актілерге сәйкес мектеп оқулықтары мен әдістемелік құралдардың әлеуетті авторларында оқу әдебиетін жазуға қойылатын талаптарды іске асыру дағдыларын қалыптастыру.

Күтілетін нәтижелер - Қазақстан Республикасында білім беруді жетілдірудің перспективалы бағыттарына жауап беретін мектеп оқулықтары мен оқу-әдістемелік кешендерін жазу.

Бұл курстардың ерекшелігі (2022 ж.12-23 желтоқсан) Мектепке дейінгі тәрбие мен оқытудың даму моделінің бекітілуіне және оның іске асырылуына байланысты мектепке дейінгі тәрбие мен оқыту жүйесіне арналған оқу-әдістемелік кешендер авторларының үлкен тобын оқыту болды. Осы курстарда вариативті оқу бағдарламаларын әзірлеу қағидаттарына, оқытудың әртүрлі әдістемелері мен технологияларын, білім беру процесін ұйымдастырудың нысандарын, әдістерін, тәсілдерін, оқу-әдістемелік кешендерінің сапа критерийлерін пайдалануға көп көңіл бөлінді.