«Педагогтің цифрлық құралдары - 2» тақырыбында халықаралық кездесу

2023 жылғы 11 ақпанда өткізілген педагогикалық кездесу жұмысына ЖОО оқытушылары, бастауыш сынып мұғалімдері, магистранттар, докторанттар қатысты. Кездесуге аудиторияда цифрлық қызметтерді пайдалану мүмкіндіктерін талқылауға қызығушылық танытқандар қатысты, олар кездесу барысында тыңдауға ғана емес, сұрақтарға жауап беруге, шағын практикалық тапсырмаларды орындауға дайын болды. Баяндаманы Пермь мемлекеттік гуманитарлық-педагогикалық университетіндегі біздің әріптестеріміз дайындады:

- Шабалина Ольга Валерьевна, ПМГПУ-дің кіші мектеп жасындағы оқушыларды оқыту мен тәрбиелеу теориясы мен технологиясы кафедрасының доценті, фил.ғ.к., тақырыбы - «Заманауи сабақты жобалауға технологиялық көзқарас»;
- Мотуз Ирина Валентиновна, МАОМ «№ 55 ЖБМ» информатика мұғалімі Пермь қ., тақырыбы - «Оқу үдерісін ұйымдастыруға арналған цифрлық білім беру ортасының құралдары мен сервистері»;
- Дмитриева Юлия Вадимовна, ПСВУ инновациялық білім беру технологиялары зертханасының әдіскері, тақырыбы - «Интербелсенді тапсырмаларды әзірлеуге арналған цифрлық құралдар (Joyteka вебквесті)»;
- Парашина Елена Юрьевна, «№33 гимназия» МАОМ бастауыш сынып мұғалімі, Пермь қ., тақырыбы - «Сабақтарда Учи.ру платформасын пайдалану»;
- Иванова Елена Владимировна, ПМГПУ-дің кіші мектеп жасындағы оқушыларды оқыту мен тәрбиелеу теориясы мен технологиясы кафедрасының доценті, псих.ғ.к., тақырыбы: - «Сабақтың цифрлық құралы ретіндегі виртуалды топсеруен»;
- Худякова Анна Владимировна, ПМГПУ-дің физика мен технология кафедрасының доценті, п.ғ.к., тақырыбы - «Білім беру платформасында цифрлық сабақ сценарийін әзірлеу технологиясы».

Педагогикалық кездесу жұмысы барысында функционалдылықты, әртүрлілікті, мотивацияны, ыңғайлылықты, орындылықты қамтитын цифрлық құралдар мен ресурстарды пайдалану формуласы шығарылды. Мұғалімдерге, сынып жетекшілеріне арналған жаңа цифрлық білім беру платформаларымен таныстырылды. Жалпы білім сапасын арттыруға септігін тигізетін педагог пен оқушылар арасындағы байланысты дамытуға ықпал ететін цифрлық құралдарды пайдалана отырып, заманауи сабақты жобалаудың маңыздылығы туралы айтылды.