“Жасанды интеллект (AI) және жаңа технологиялар атты халықаралық онлайн курсы“

2025 жылдың 13 - 26 қазан аралығында Абай атындағы Қазақ ұлттық педагогикалық университеті Әлем тілдері факультеті Қытай тілі және Қытайтану кафедрасының оқытушылар ұйымдастыруымен Цзянси ғылым және технология педагогикалық университетімен бірлесіп «Жасанды интеллект (AI) және жаңа технологиялар» атты халықаралық онлайн курстың ашылу салтанаты өткізілді. Іс-шараға Абай атындағы ҚазҰПУ мен Цзянси ғылым және технология педагогикалық университетінің басшылары, профессор-оқытушылар құрамы, магистранттар мен докторанттар қатысты. Курс заманауи білім беру жүйесінде жасанды интеллект пен цифрлық технологиялардың рөлін талқылауға, сондай-ақ халықаралық тәжірибе алмасуға бағытталған. Ашылу салтанатында екі университет өкілдері құттықтау сөз сөйлеп, болашақтағы ынтымақтастықты дамытуға дайын екендерін атап өтті. Аталған халықаралық курс екі оқу орны арасындағы білім беру және ғылыми байланыстарды нығайтуға ықпал етеді.